فوتو: respublica-partiyasy.kz
فورۋمدى اشقان پارتيا توراعاسى ايداربەك قوجانازاروۆ مەملەكەت باسشىسىنىڭ «جاساندى ينتەللەكت داۋىرىندەگى قازاقستان: وزەكتى مىندەتتەر جانە ولاردى تسيفرلىق ترانسفورماتسيا ارقىلى شەشۋ جولدارى» اتتى جولداۋى الداعى جىلدارى ەل دامۋىنىڭ باستى باعدارشامى بولاتىنىن اتاپ ءوتتى.
«بۇل – تاريحي جولداۋ. پرەزيدەنت تسيفرلاندىرۋ مەن ەكونوميكانى جاڭعىرتۋدان باستاپ, پارتيالىق جۇيەنى نىعايتۋعا دەيىنگى ستراتەگيالىق باسىمدىقتاردى ايقىندادى. جەردى تولىق تسيفرلاندىرۋ تاپسىرماسى – اشىقتىق پەن ءادىل ەرەجەلەردىڭ كەپىلى. ال كونستيتۋتسيالىق رەفورمالارداعى ماڭىزدى قادام – پارلامەنتتىڭ ءبىر پالاتالى جۇيەگە كوشۋى. بۇل – ەلىمىزدىڭ ساياسي جۇيەسىندەگى جاڭا بەلەس. كاسىپكەرلەر پارتياسى ءۇشىن بۇل دەربەس كاسىپكەرلىك مينيسترلىگىنىڭ پايدا بولۋىمەن تەڭ. بۇل – ۇلكەن دە ءماندى كۇش», دەدى ول.
الماتى قالاسى اكىمىنىڭ ورىنباسارى ولجاس سماعۇلوۆ تا جولداۋدىڭ وزەكتىلىگىنە توقتالىپ, Respublica پارتياسىنىڭ قالاداعى الەۋمەتتىك-ەكونوميكالىق باستامالارعا بەلسەندى ۇلەس قوسىپ كەلە جاتقانىن ايتتى.
«جۋىرداعى مەملەكەت باسشىسىنىڭ جولداۋى قازاقستاننىڭ تسيفرلىق ترانسفورماتسياسىنا ايرىقشا كوڭىل ءبولدى. Respublica پارتياسى الماتى قالاسىنىڭ الەۋمەتتىك-ەكونوميكالىق دامۋىنا قاتىستى بارلىق باستامالارعا بەلسەندى ءارى ناتيجەلى ۇلەس قوسىپ كەلەدى. ءبىز, اكىمدىك تاراپىنان, بۇل باستامالاردى تولىق قولدايمىز», دەدى.
فورۋم جۇمىسىنا پارتيا تەڭ توراعالارى سىرىمبەك تاۋ, ماكسيم بارىشەۆ جانە قۋانىش شونباي قاتىستى. ولار كاسىپكەرلىك سالاسىنداعى تاجىريبەلەرىمەن ءبولىسىپ, پارتيا قۇرىلعاننان بەرگى وزگەرىستەر مەن جەڭىلگەن كەدەرگىلەر تۋرالى اڭگىمەلەدى. سونىمەن قاتار, ماجىلىستەگى Respublica فراكتسياسىنىڭ دەپۋتاتتارى قابىلدانعان زاڭدار مەن ازىرلەنىپ جاتقان زاڭ جوبالارى جونىندە بايانداپ, فراكتسيا باستامالارىن تانىستىردى.
قاتىسۋشىلار كاسىپكەرلىكتى دامىتۋ, بيزنەس قۇقىعىن قورعاۋ, تسيفرلىق ترانسفورماتسيا, قارجىلاندىرۋدىڭ قولجەتىمدىلىگى, تاۋارلاردى تاڭبالاۋ, الەۋمەتتىك كاسىپكەرلىك پەن ىشكى ءتۋريزمدى تالقىلادى. ەرەكشە قىزىعۋشىلىقتى پارتيا تەڭ توراعاسى ماكسيم بارىشەۆتىڭ ءسوزى تۋدىردى. ول سالىق سالاسىنىڭ مامانى رەتىندە 2026 جىلدان باستاپ ەنگىزىلەتىن وزگەرىستەردى ءتۇسىندىرىپ, كاسىپكەرلەرگە جاڭا ەرەجەلەرگە دايىندالۋ جولدارىن كورسەتتى.
فورۋم قورىتىندىسىندا ايتىلعان ۇسىنىستار Respublica فراكتسياسىنىڭ جۇمىس جوسپارىنا ەنگىزىلىپ, زاڭنامالىق باستامالارعا اينالاتىنى جاريالاندى. پارتيا مۇشەلەرى كاسىپكەرلەر پرەزيدەنت باستامالارىن تولىق قولدايتىنىن جانە ولاردى جۇزەگە اسىرۋعا بەلسەندى قاتىسۋعا دايىن ەكەنىن جەتكىزدى.
ء«بىز تەك ماسەلەلەردى تالقىلاپ قانا قويمايمىز, سونىمەن بىرگە ولاردىڭ ناقتى شەشۋ جولدارىن ۇسىنامىز», دەپ قورىتىندىلادى Respublica پارتياسى.
