ۇيىم دەرەگىنە ساي, قيراعان اۋداندارداعى 134 مىڭنان استام ادامدى ۋاقىتشا شاتىرلارعا ورنالاستىرىپ, شۇعىل مەديتسينالىق قىزمەت كورسەتۋ ءۇشىن 16,8 ميلليون دوللار جاردەم قاجەت.
تامىزدىڭ 31-ىندە تىركەلگەن 6 بالدىق ءزىلزالا سالدارىنان 2200 ادام قازا تاپتى. جەتى مىڭعا جۋىق ءۇي قيراپ, جارتى ميلليونعا تارتا حالىق زارداپ شەكتى.
ايتا كەتسەك, بيىلدىڭ وزىندە بۇل ەلگە كورشى يران مەن پاكىستاننان 1,7 ميلليون ادام دەپورتاتسيالاندى. بۇعان قوسا, 800 مىڭعا جۋىق اۋعان ازامات ءوز ەلىنىڭ ىشىندە بوسىپ ءجۇر. بىرىككەن ۇلتتار ۇيىمى ولاردىڭ دا شۇعىل گۋمانيتارلىق كومەككە مۇقتاج ەكەنىن حابارلادى.
