فوتو: اشىق دەرەككوز
تەكسەرۋ ناتيجەسىندە بەينەجازباداعى ەر ادام وبلىس تۇرعىنى ەكەنى انىقتالعان. ول ءوز اكەسىنە قول كوتەرگەن, ال ايەلى بۇل جاعدايعا ارالاسپاي, كەدەرگى كەلتىرمەگەن. كورىنىستى كورشىسى جاسىرىن ءتۇسىرىپ, جەلىگە جاريالاعان.
قاريانىڭ ولىمىنەن كەيىن كۇدىكتىگە قىلمىستىق كودەكستىڭ 106-بابى 3-بولىگى (دەنساۋلىققا قاساقانا اۋىر زيان كەلتiرۋ) بويىنشا ايىپ تاعىلىپ, ۋاقىتشا ۇستاۋ يزولياتورىنا قامالعان. ال كۇدىكتىنىڭ ايەلىنىڭ ۇستىنەن قك-ءنىڭ 109-1-بابى 2-بولىگى 3-تارماعى بويىنشا قىلمىستىق ءىس قوزعالعان.
«الدىن الا تەرگەۋ كەزىندە بارلىق قاجەتتى شارالار اتقارىلادى. بولعان وقيعانىڭ تولىق ءمان-جايى انىقتالعان سوڭ, زاڭعا سايكەس شەشىم قابىلدانادى. سونىمەن قاتار كەلىپ تۇسكەن شاعىمدار دا قارالىپ, ءىستىڭ سوڭىندا بارلىق قاتىسۋشىلاردىڭ ارەكەتىنە قۇقىقتىق باعا بەرىلەدى», دەپ حابارلادى تۇركىستان وبلىستىق پوليتسيا دەپارتامەنتى.
سونداي-اق ءتارتىپ ساقشىلارى مارقۇم ومىردەن وزعانعا دەيىن ودان نەمەسە وزگەلەردەن پوليتسياعا شاعىم تۇسپەگەنىن اتاپ ءوتتى.
