فوتو: ەرلان ومار
قارجى مونيتورينگى اگەنتتىگىنىڭ مالىمەتىنشە, كۇدىكتى «Damu Bala» پلاتفورماسى ارقىلى ىسكە اسىرىلاتىن جان باسىنا قارجىلاندىرۋ باعدارلاماسىن پايدالانىپ, جالعان دەرەكتەر ۇسىنعان. ەسەپ قۇجاتتارىندا شىن مانىندە جۇمىس ىستەمەگەن ۇيىرمەلەر كورسەتىلىپ, مەملەكەتتىك قاراجات نەگىزسىز ءبولىنىپ وتىرعان.
«ەسەپ قۇجاتتارىندا كورسەتىلگەن كەيبىر بالالار شىن مانىندە ساباقتارعا قاتىسپاعان, ءتىپتى كەيبىرەۋى وزدەرىنىڭ بۇل باعدارلاماعا «قاتىسۋشى» رەتىندە تىركەلگەنىنەن مۇلدەم بەيحابار بولعان. ماسەلەن, ءبىر بالا الماتى وبلىسىندا تۇراتىنىنا جانە ەشبىر ۇيىرمەگە قاتىسپايتىنىنا قاراماستان, اباي وبلىسىندا بەينەلەۋ ونەرى ۇيىرمەسىنىڭ قاتىسۋشىسى رەتىندە تىركەلگەن», دەلىنگەن حابارلامادا.
زاڭسىز سحەما ارقىلى مەملەكەتكە 23 ميلليون تەڭگە شىعىن كەلگەن. تەرگەۋ بارىسىندا بۇل قاراجات كۇدىكتى تاراپىنان تولىق وتەلگەن.
سوت ۇكىمىمەن ول كىنالى دەپ تانىلىپ, شارتتى جازاعا كەسىلگەن. دەگەنمەن ۇكىم ءالى زاڭدى كۇشىنە ەنگەن جوق.
