بۇل قۇندى جادىگەردى 2008 جىلى قازاقتان شىققان تۇڭعىش زاڭ ماگيسترى جاقىپ اقباي ۇلىنىڭ تۋىستارى مۋزەيگە تابىستاعان. ساماۋرىن قوياندى جارمەڭكەسىنەن ساتىپ الىنعان.
جاقىپ اقباي ۇلى قارقارالىداعى اۋقاتتى تاتار كوپەسى حاليوللا بەكمەتوۆتىڭ قىزى گۇلباھارعا ۇيلەنگەن. سول زامانعى بايلار مەن كوپەستەر اراسىندا قىزىقتى ءداستۇر بولعان. اركىم ءوز ساماۋرىنىنىڭ تەز قايناۋىنا ءباس تىگەتىن. ءتىپتى قاعاز اقشانى سۋعا تاستاپ, قايناعان كەزدە شىعارىپ الاتىن ادەت تە بولعان دەسەدى.
«مۋزەيدەگى وسى ساماۋرىن حاليوللا بەكمەتوۆكە تيەسىلى بولعان. ءبىر جولعى ءباس كەزىندە ءدال وسى ساماۋرىن ءبىرىنشى قايناپ, كەلىسىم بويىنشا قوياندى جارمەڭكەسىنىڭ ءبىر جىلعا باس اكتسيونەرى اتانعان ەكەن», دەيدى مۇراجايدىڭ عىلىمي قىزمەتكەرى ساتبەك سلامبەكوۆ.
اتالعان تاريحي جادىگەر سول ءداۋىردىڭ تۇرمىس-تىرشىلىگى مەن مادەني ومىرىنەن سىر شەرتىپ تۇر.
قاراعاندى وبلىسى,
قارقارالى اۋدانى
