وسىدان بىرەر جىل بۇرىن وبلىستىق ءماسليحات دەپۋتاتتارى الەكساندرا سەرعازينوۆا مەن دينارا وتەباەۆا اقاڭ اتىنداعى اۋەجايعا الىس-جاقىننان كەلىپ جاتقان شەتەلدىك جولاۋشىلار الاش ارداقتىسىنىڭ كىم ەكەنى جونىندە تولىمدى دەرەك الاتىنداي مۇراجاي زالى كەرەك دەگەندى ايتقان. ساباقتى ينە ساتىمەن دەگەندەي, بۇل يگى باستاما سايلاۋبەك ەسجانوۆ, مارحابات جۇتاەۆ سىندى ەلجاندى ازاماتتار تاراپىنان قولداۋ تاۋىپ, قاجەتتى قاراجات تا تابىلا كەتتى.
مۋزەي ەكسپوزيتسياسى احمەت بايتۇرسىن ۇلىنىڭ ءومىرى مەن قايراتكەرلىك قىزمەتىنىڭ حرونولوگياسى كورسەتىلگەن سەگىز ۇلكەن ستەندتەن تۇرادى. اقاڭنىڭ اسىل مۇراسى, ءار جىلدارى تۇسكەن سۋرەتتەرى دە وسى جەردەن تابىلادى.
مۇراجاي زالىنا سەنسورمەن باسقارىلاتىن تسيفرلىق مونيتور قويىلعان. بۇل جەردە جولاۋشىلار ۇلت ۇستازىنىڭ عۇمىرناماسىنا قانىعىپ, ارحيۆ ماتەريالدارىمەن تانىسا الادى. تسيفرلىق مونيتوردىڭ كومەگىمەن احمەتتىڭ ءومىرى مەن قىزمەتىنە قاتىستى ۆيكتورينالىق سۇراقتارعا دا جاۋاپ بەرۋگە بولادى.
مۋزەيدەگى دەرەك-قۇجاتتىڭ ءبارى بىرنەشە تىلگە اۋدارىلعاندىقتان, ونى كەز كەلگەن جولاۋشى ءتۇسىنىپ وقي
الادى.
ءماسليحات دەپۋتاتى الەكساندرا سەرعازينوۆانىڭ ايتۋىنشا, اۋەجاي مۋزەيى ازىرگە تسيفرلىق فورماتتا عانا جۇمىس ىستەپ تۇر. الايدا ۋاقىت وتكەن سايىن مۋزەي قورى جاڭا جادىگەرلەرمەن تولىعا تۇسپەك.
قوستاناي وبلىسى
