فوتو: senate.parlam.kz
كەزدەسۋ بارىسىندا سەناتورلار ەلىمىزدەگى الەۋمەتتىك ساياساتتاعى جەتىستىكتەرگە توقتالىپ, مۇگەدەكتىگى بار ايەلدەر مەن قىزداردىڭ قۇقىقتارىن قورعاۋداعى مەملەكەتتىك باستامالاردى اتاپ ءوتتى.
نۇرتورە ءجۇسىپتىڭ سوزىنشە, قازاقستاندا زاڭنامالىق بازا قالىپتاسىپ, الەۋمەتتىك قورعاۋ باعدارلامالارى ىسكە اسىرىلۋدا, سونىمەن قاتار ءبىلىم بەرۋ, دەنساۋلىق ساقتاۋ جانە جۇمىسپەن قامتۋ سالالارىندا ناقتى وڭ وزگەرىستەر بايقالادى.
«XXI عاسىردىڭ جاھاندىق كۇن ءتارتىبى جاعدايىندا بارلىق توپتاعى حالىق ءۇشىن تەڭ قۇقىقتار مەن مۇمكىندىكتەردى قامتاماسىز ەتۋ ماسەلەسى ەرەكشە مانگە يە. 2030 جىلعا دەيىنگى ورنىقتى دامۋ سالاسىنداعى كۇن ءتارتىبىن حالىقارالىق قاۋىمداستىقتىڭ قابىلداۋى مەملەكەتتەر ءۇشىن الەۋمەتتىك جانە ەكونوميكالىق ساياساتتى قالىپتاستىرۋدا باعدار بولدى. قازاقستان وسى قۇندىلىقتاردى بولىسە وتىرىپ, ودم-دى ۇلتتىق ستراتەگيالىق باسىمدىقتارعا ەنگىزدى. سونىمەن قاتار, ەلىمىزدىڭ 2015 جىلى مۇگەدەكتەردىڭ قۇقىقتارى تۋرالى كونۆەنتسيانى راتيفيكاتسيالاۋى مەملەكەتتىك ساياساتتاعى جاڭا كەزەڭدى ايقىندادى. قازىر قازاقستاندا 2025 جىلعا دەيىن مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە ءومىر ساپاسىن جاقسارتۋ جونىندەگى ۇلتتىق جوسپار, 2030 جىلعا دەيىنگى وتباسىلىق جانە گەندەرلىك ساياسات تۇجىرىمداماسى, سونداي-اق قولجەتىمدى ورتا قۇرۋعا جانە مۇگەدەكتىگى بار ايەلدەر مەن قىزداردىڭ مۇمكىندىكتەرىن كەڭەيتۋگە باعىتتالعان سالالىق باعدارلامالار جۇزەگە اسىرىلۋدا», دەدى نۇرتورە ءجۇسىپ.
سونداي-اق سەناتور مۇگەدەكتىگى بار ايەلدەر مەن قىزداردىڭ قۇقىقتارىن قورعاۋدىڭ ورنىقتى دامۋعا جەتۋدىڭ ماڭىزدى شارتى ەكەنىن اتاپ ءوتىپ, الداعى ۋاقىتتا ينكليۋزيۆتى ساياساتتى دامىتۋعا, الەۋمەتتىك قورعاۋ مەحانيزمدەرىن جەتىلدىرۋگە جانە ءاربىر ازامات ءوز الەۋەتىن جۇزەگە اسىرا الاتىن تولەرانتتى قوعام قالىپتاستىرۋعا كۇش سالاتىنىن جەتكىزدى.
كەزدەسۋدىڭ سوڭىندا حالىقارالىق ساراپشىلارمەن تاجىريبە الماسۋ مەن ىنتىماقتاستىقتى كەڭەيتۋدىڭ ماڭىزدىلىعى ايتىلىپ, شەتەلدىك مامانداردىڭ قاتىسۋى بىرلەسكەن جۇمىسقا جاڭا مۇمكىندىكتەر اشاتىنى اتاپ ءوتىلدى.
