دەپۋتاتتىڭ ايتۋىنشا, سوڭعى ايلاردا قازاقستان ءىرى كونتسەرتتەر مەن سپورتتىق ماتچتاردى ءجيى قابىلداپ جاتىر, بۇل ءوز كەزەگىندە ءىىم قىزمەتكەرلەرىن جاپپاي الاڭنان الاستاتۋعا اكەلۋدە.
«مىسالى, استانادا وتكەن دجەننيفەر لوپەستىڭ كونتسەرتىنە شامامەن 1300 پوليتسەي, ال الماتىدا – 2240 پوليتسيا قىزمەتكەرى, اسكەريلەر مەن ەرىكتىلەر جۇمىلدىرىلدى. سونىڭ سالدارىنان پارادوكس جاعداي قالىپتاسادى: جاپپاي شوۋ مەن كونتسەرتتەرگە بۇكىل جەكە قۇرام تارتىلادى دا كوشەلەردى پاترۋلدەۋگە ادام قالمايدى», – دەدى دەپۋتات قۇسپەكوۆ.
ولجاس قۇسپەكوۆ مەملەكەتتىك رەسۋرستاردى ءتيىمدى ءارى ماقساتتى پايدالانۋ قاجەتتىگىن اتاپ ءوتىپ, كوممەرتسيالىق ءىس-شارالاردىڭ قاۋىپسىزدىگىن قامتاماسىز ەتۋ مىندەتىن جەكە سەكتورعا جۇكتەۋ قيسىندى ەكەنىن جەتكىزدى.
«بۇگىندە ەلىمىزدە 4 مىڭعا جۋىق جەكە كۇزەت ۇيىمى جۇمىس ىستەيدى. وندا 100 مىڭنان استام كاسىبي قىزمەتكەر بار, ولار بۇل مىندەتتى ءوز موينىنا الۋعا دايىن», – دەپ قوستى دەپۋتات.
Respublica فراكتسياسىنىڭ دەپۋتاتتارى مىناداي ۇسىنىستار ەنگىزىپ وتىر:
- كوممەرتسيالىق ءىس-شارالاردا قاۋىپسىزدىكتى بىرتىندەپ جەكە كۇزەت قۇرىلىمدارىنا بەرۋ;
- پوليتسيا كۇشىن تەك مەملەكەتتىك جانە قوعامدىق-ساياسي ماڭىزى بار وقيعالارعا پايدالانۋ.
بۇل ماسەلەنىڭ وزەكتىلىگىن 2025 جىلعى 30 قىركۇيەكتە الماتىدا وتەتىن «قايرات» – «رەال مادريد» ماتچى دە ايقىندايدى. ونى كۇزەتۋ ءۇشىن 2500-دەن استام پوليتسەي جانە ۇلتتىق ۇلاننىڭ 300 اسكەري قىزمەتكەرى تارتىلماق.
ء«بىز جۇيەنى قايتا قاراۋىمىز قاجەت: پوليتسيا – بۇل مەملەكەتتىڭ جانە ازاماتتاردىڭ قاۋىپسىزدىگى ءۇشىن, ول كونتسەرتتەر مەن جەكە شارالاردى كۇزەتۋ ءۇشىن ەمەس», – دەپ تۇيىندەدى ولجاس قۇسپەكوۆ.
