فوتو: ءىىم
مينيسترلىك قارۋ-جاراق پەن وق-دارىلەردى زاڭسىز اينالىمنان شىعارۋ جۇمىستارىن جۇيەلى تۇردە جۇرگىزىپ كەلەدى. بۇل شارالار جەدەل-پروفيلاكتيكالىق ءىس-شارالار اياسىندا جالعاسادى.
1 قىركۇيەكتەن بەرى رەسپۋبليكا كولەمىندە «ۋچاسكە» جەدەل الدىن الۋ ءىس-شاراسى ءوتىپ جاتىر. سونىڭ ناتيجەسىندە زاڭسىز اينالىمداعى ونداعان قارۋ-جاراق پەن جۇزدەگەن وق-ءدارى تابىلىپ, جاسىرىن قويمالار اشكەرەلەندى.
سونىمەن قاتار قاڭتار وقيعاسى كەزىندە ۇرلانعان كالاشنيكوۆ اۆتوماتى, تاپانشا, ەكى ويىق مىلتىق جانە ەكى تەگىس ۇڭعىلى قارۋمەن قوسا, پوليتسيانىڭ برونەجيلەتتەرى مەن كاسكالارى تاركىلەندى. بۇدان بولەك, ازاماتتار ءوز ەركىمەن 15 قارۋدى تاپسىرعان.
ءىىم مالىمەتىنشە, بيىل 21 مىڭنان استام ازاماتتىق قارۋ تەكسەرىلدى. ناتيجەسىندە 400-دەن استام ادام اكىمشىلىك جاۋاپكەرشىلىككە تارتىلدى.
«5 قىركۇيەكتە الماتى وبلىسىندا جەرگىلىكتى تۇرعىندار ۇستالدى, ولاردان قاڭتار وقيعاسى كەزىندە الماتى قالاسىندا ۇرلانعان ارنايى مىلتىق تاركىلەندى. بۇل باعىتتاعى جۇمىس جالعاسادى», دەدى ءىىم كريمينالدىق پوليتسيا دەپارتامەنتى باسقارما باستىعىنىڭ ورىنباسارى جاندوس باتىربەكوۆ.
