فوتو: ەرلان ومار
ەڭبەك جانە حالىقتى الەۋمەتتىك قورعاۋ مينيسترلىگىنىڭ حابارلاۋىنشا, ەڭبەك قۇقىعىن بۇزعان جانە جالاقى بويىنشا بەرەشەگى بار كاسىپورىنداردىڭ باسشىلارىنا 2 602 ۇيعارىم بەرىلىپ, 332 ملن تەڭگەدەن استام ايىپپۇل سالىنعان.
«قابىلدانعان شارالاردىڭ, ونىڭ ىشىندە جالاقى بويىنشا بەرەشەكتى وتەۋدىڭ قاتاڭ كەستەلەرى مەن مەرزىمدەرىن بەلگىلەۋدىڭ ناتيجەسىندە 3 437 مىڭ جۇمىسكەردىڭ قۇقىقتارى قورعالدى. ولارعا 1,2 ملرد تەڭگە تولەندى», دەلىنگەن حابارلامادا.
سونىمەن قاتار 2025 جىلعى 1 قىركۇيەككە دەيىن ەڭبەك ينسپەكتورلارى 4 013 تەكسەرۋ جۇرگىزگەن. ناتيجەسىندە 4 706 زاڭ بۇزۋشىلىق انىقتالعان. ولاردىڭ ىشىندە ەڭبەك قاتىناستارىنا قاتىستى – 3 965, ەڭبەك قاۋىپسىزدىگى مەن ەڭبەكتى قورعاۋ سالاسىندا – 721, حالىقتى جۇمىسپەن قامتۋ بويىنشا – 20 جاعداي تىركەلدى.
اتقارىلعان شارالاردىڭ ناتيجەسىندە 30 مىڭنان استام جۇمىسكەردىڭ ەڭبەك قۇقىقتارى قورعالعان.
