وقيعا ورنىندا تۇسىرىلگەن فوتو-ۆيدەولار الەۋمەتتىك جەلىدە جاريالاندى. قايعىلى وقيعا 8 قىركۇيەكتە «اسپان سيتي» تۇرعىن ءۇي كەشەنىندە بولعان. جىگىت 12-قاباتتىڭ ورتاق بالكونىنان سەكىرىپ كەتكەن.
«پوليتسيا قىزمەتكەرلەرى 8 قىركۇيەكتە بەساعاش اۋىلىنداعى تۇرعىن ءۇي كەشەندەرىنىڭ بىرىندە الماتى قالاسىنىڭ 20 جاستاعى تۇرعىنىنىڭ ءوز-وزىنە قول جۇمساۋ دەرەگى بويىنشا قىلمىستىق ءىس قوزعادى. قازىرگى ۋاقىتتا وقيعانىڭ بارلىق ءمان-جايىن انىقتاۋ ءۇشىن كەشەندى تەرگەۋ امالدارى جۇرگىزىلىپ جاتىر. الدىن الا مالىمەت بويىنشا ەر ادام بۇعان دەيىن ءوز-وزىنە قول جۇمساۋعا ارەكەتتەنگەن دەگەن بولجام بار», - دەپ حابارلادى الماتى وبلىستىق پوليتسيا دەپارتامەنتىنىڭ ءباسپاسوز قىزمەتى اگەنتتىككە بەرگەن تۇسىنىكتەمەسىندە.
تەرگەۋ قورىتىندىسى بويىنشا زاڭ تالاپتارىنا سايكەس پروتسەسسۋالدىق شەشىم قابىلدانادى, دەپ تولىقتىردى پوليتسەيلەر.
