فوتو: وقۋ-اعارتۋ مينيسترلىگى
مينيسترلىكتىڭ حابارلاۋىنشا, دۋالدى وقىتۋ فورماتى تەوريالىق دايىندىقتى وندىرىستىك تاجىريبەمەن ۇشتاستىرۋعا باعىتتالعان. وقۋ پروتسەسىنىڭ 60%-ى وندىرىستە وتەدى, بۇل ستۋدەنتتەردىڭ ەڭبەك نارىعىندا سۇرانىسقا يە ماماندىقتاردى تاجىريبەلىك تۇرعىدان مەڭگەرۋىنە مۇمكىندىك بەرەدى.
ايتا كەتەيىك, قازىرگى تاڭدا ەلىمىزدە 552 كوللەدج جانە 18 مىڭنان استام كاسىپورىن دۋالدى جۇيەگە قاتىسىپ جاتىر. ولاردىڭ قاتارىندا ماشينا جاساۋ, قۇرىلىس, ەنەرگەتيكا, IT جانە سەرۆيس سالالارىنداعى كاسىپورىندار بار.
«دۋالدى وقىتۋدى دامىتۋ – تەحنيكالىق جانە كاسىپتىك ءبىلىم بەرۋ جۇيەسىندەگى باسىم باعىتتاردىڭ ءبىرى. بۇگىندە مەملەكەتتىك تاپسىرىس بويىنشا ءبىلىم العان كوللەدج تۇلەكتەرىنىڭ 70%-دان استامى وقۋىن تامامداعان سوڭ بىردەن ءوز ماماندىعى بويىنشا جۇمىسقا ورنالاسادى», دەدى تەحنيكالىق جانە كاسىپتىك ءبىلىم بەرۋ دەپارتامەنتىنىڭ ديرەكتورى اسەت مۋحانبەتوۆ.
2024 جىلى دۋالدى فورماتتا وقۋىن تامامداعان 30 مىڭنان استام تۇلەكتىڭ 71%-ى قازىرگى تاڭدا ەڭبەك قىزمەتىنە كىرىسكەن. ال 2027 جىلعا قاراي دۋالدى وقۋمەن قامتىلعان ستۋدەنتتەردىڭ ۇلەسىن 50%-عا دەيىن جەتكىزۋ جوسپارلانعان. وسى ماقساتتا گەرمانيانىڭ ەرفۋرت ۋنيۆەرسيتەتىمەن بىرلەسىپ حالىقارالىق دۋالدى وقىتۋ ورتالىعىن اشۋ جانە «اتامەكەن» ۇكپ قولداۋىمەن تالىمگەرلىك ينستيتۋتىن دامىتۋ كوزدەلىپ وتىر.
