«قاراعاندى وبلىسى ەكونوميكاسىنىڭ ءوسىمى تۇراقتى سيپاتقا يە. بۇل – مەملەكەت باسشىسى مەجەلەگەن مىندەتتەردىڭ ۋاقتىلى ءارى ساپالى ورىندالۋىنا نەگىز بولىپ وتىر. جىل سايىن بارلىق سالادا دامۋ قارقىنى ارتىپ كەلەدى. ونىڭ ىشىندە جەتەكشى ءرولدى ونەركاسىپ, اسىرەسە وڭدەۋ سەكتورى اتقارادى.
وڭىردە ەلىمىزدەگى كوكستەلەتىن كومىردىڭ تۇگەلى, ەنەرگەتيكالىق كومىردىڭ ۇشتەن ءبىرى, ءتۇرلى-ءتۇستى جانە قىمبات باعالى مەتالداردىڭ قوماقتى بولىگى, سونداي-اق جالپاق پروكاتتىڭ 100%-ى وندىرىلەدى. بۇل – ايماقتىڭ عانا ەمەس, تۇتاس ەلدىڭ ونەركاسىپتىك قۋاتىنىڭ تىرەگى», دەيدى وبلىس اكىمىنىڭ ورىنباسارى الىبەك الدەنەي.
بيزنەس ءوسىمى مەن ينۆەستيتسيا تارتۋعا, ەكونوميكانىڭ ءتۇرلى سالالارىن دامىتۋعا جان-جاقتى جاعداي جاسالىپ وتىر. سونىڭ ناتيجەسىندە وبلىس ەل ەكونوميكاسىنىڭ دامۋىنا ايتارلىقتاي ۇلەس قوسىپ, جالپى ىشكى ءونىم كولەمى بويىنشا ءتورتىنشى ورىندى يەلەنىپ وتىر.
بيىل 7 ايدا وبلىستا 2,7 ترلن تەڭگەنىڭ ءونىمى ءوندىرىلىپ, بۇل كورسەتكىش 7,3%-عا ارتتى. ءوڭىر ىشكى جالپى ءونىم كورسەتكىشى جونىنەن رەسپۋبليكادا 4-ورىن الىپ وتىر. بىلتىردان باستاپ وبلىستا جالپى قۇنى 4,5 ترلن تەڭگەنى قۇرايتىن 120 ينۆەستيتسيالىق جوبا پۋلى جاساقتالىپ, 20 مىڭنان استام جاڭا جۇمىس ورنى قۇرىلماق. بيىلدىڭ وزىندە 29 ينۆەستيتسيالىق جوبانى جۇزەگە اسىرۋ جوسپارلانعان, سونىڭ 15-ءى – ونەركاسىپ پەن وڭدەۋ سالاسىندا.
جىل باسىندا مىرىش زاۋىتى ءوز جۇمىسىن باستادى. «Silk Road Electronics» كاسىپورنىندا «Samsung» تەلەديدارلارى مەن كىر جۋعىش ماشينالارىن شىعارۋ جەلىسى ىسكە قوسىلدى. جىل سوڭىنا دەيىن تاعى بىرنەشە ءوندىرىس نىسانى پايدالانۋعا بەرىلەدى. «تەمپو كازاحستان» بولاتتان تىك جىكتى قۇبىرلار ءوندىرىسى, «سيلۋمين وف كازاحستان» اليۋميني رادياتورلارىنىڭ جاڭا لەگى, «Qaragandy Power Silicon» كرەمنيلى قورىتپالار ءىسى, «گيپەربورەيا» اتتى قۋاتى 150 مۆت جەل ەلەكتر ستانساسى ىسكە قوسىلادى دەپ كۇتىلەدى. اكىمدىك ينۆەستورلارمەن تىكەلەي جۇمىس ىستەۋگە ىنتالى. بۇل رەتتە ينۆەستورلارعا قىزمەت كورسەتۋ ورتالىعى جۇمىس ىستەپ, ينۆەستيتسيالىق شتاب وزەكتى ماسەلەلەردى جەدەل قاراستىرىپ, ناقتى شەشىمدەر قابىلدايدى.
«سارىارقا» ارنايى ەكونوميكالىق ايماعى دا بۇگىندە ايتارلىقتاي ناتيجەلەرگە قول جەتكىزدى. مۇندا جالپى كولەمى 211 ملرد تەڭگە ينۆەستيتسيا تارتىلدى. ءوندىرىس ورىندارى 258 ملرد تەڭگەنىڭ ءونىمىن شىعارىپ تا ۇلگەردى. سونىڭ ناتيجەسىندە مەملەكەت قازىناسىنا 26 ملرد تەڭگە سالىق ءتۇستى. ايماقتا 1 300 تۇراقتى جۇمىس ورنى اشىلدى. مۇندا 24 قاتىسۋشى تاراپ تىركەلگەن, ونىڭ ىشىندە 11 جوبا ىسكە قوسىلىپ, 13-ءى جۇزەگە اسىرىلىپ جاتىر.
ء«داستۇرلى مەتاللۋرگيادان بولەك, ماشينا جاساۋ, رەزەڭكە مەن پلاستماسسا بۇيىمدارى ءوندىرىسى جانە باسقا دا سالالاردى دامىتىپ جاتىرمىز. ماشينا جاساۋ ءوندىرىسىنىڭ ءوسىمى 1 400 اۆتوبۋس پەن ارنايى تەحنيكانىڭ شىعارىلۋى ەسەبىنەن قامتاماسىز ەتىلدى. بۇدان بولەك, 131 مىڭ تۇرمىستىق تەحنيكا مەن 372 مىڭ اۆتوكولىك شيناسى ءوندىرىلدى. مۇنىڭ بارلىعى ءوڭىر ەكونوميكاسىن ءارتاراپتاندىرۋدىڭ نەگىزگى قوزعاۋشى كۇشىنە اينالدى», دەيدى وبلىس اكىمىنىڭ ورىنباسارى.
«Saran» يندۋستريالىق ايماعىندا «HOWO» ماركالى جۇك تەحنيكاسىن شىعاراتىن زاۋىتتىڭ قۇرىلىسى باستالدى. جوبا اۋىر تەحنيكانى يمپورتتاۋعا تاۋەلدىلىكتى ازايتۋعا باعىتتالعان. ونىڭ جۇزەگە اسۋى شامامەن 1 000 جاڭا جۇمىس ورنىن اشۋعا مۇمكىندىك بەرەدى. تولىق قۋاتقا شىققان سوڭ زاۋىت جىلىنا 10 مىڭعا دەيىن تەحنيكا وندىرەدى.
جۇمىسشى ماماندىقتار جىلى اياسىندا كاسىپورىندار مەن كوللەدجدەردىڭ بايلانىسى كۇشەيگەن. قازىر 8 جوعارى وقۋ ورنى, 52 كوللەدج بار, ونىڭ 40-ى دۋالدى وقىتۋ جۇيەسىندە. جالپى, 33 مىڭ ستۋدەنت ءبىلىم الىپ جاتىر. ساران قالاسىندا دا وندىرىستىك قاجەتتىلىككە ساي جاڭا ماماندىقتار اشىلدى. اتاپ ايتار بولساق, رەزينا-تەحنيكالىق ءوندىرىس, شينالار ءوندىرىسى, «QazTehna» ءۇشىن اۆتوكولىك بوياۋشىسى جانە اۆتوقۇراستىرۋشى ماماندىقتارى. «Qarmet» وقۋ ورتالىعى بازاسىندا كورپوراتيۆتىك ۋنيۆەرسيتەت قۇرىلىپ, «Jumys tap» جانە «WorldSkills» جوبالارى ارقىلى قايتا دايارلاۋ مەن بىلىكتىلىكتى ارتتىرۋ باعدارلامالارى قولعا الىندى.
ء«وڭىردىڭ كەن بايلىعىن ەسكەرە وتىرىپ, شەتەلدىك كومپانيالار بارلاۋ جۇمىستارىن جۇرگىزىپ جاتىر. ياعني مينەرالدى-شيكىزات بازاسىن كەڭەيتىپ, سيرەك كەزدەسەتىن جانە قىمبات مەتالداردى قايتا وڭدەۋگە ارنالعان جاڭا وندىرىستەردى سالۋعا تىڭ مۇمكىندىك بەرەدى. مىسالى, قۇيرىقتىكول كەن ورنىندا گەولوگيالىق بارلاۋ جۇمىستارى اياقتالدى. سيرەك كەزدەسەتىن جەر مەتالدارىنىڭ بولجامدىق قورى – 28,2 ملن توننا. التىن, مىس جانە ۆولفرامنىڭ الەۋەتى زور كەن ورىندارى دا قوسىمشا انىقتالدى», دەيدى وبلىس اكىمىنىڭ ورىنباسارى الىبەك الدەنەي.
قاراعاندى وبلىسى
