سەناتوردىڭ ايتۋىنشا, اگرارلىق عىلىم مەن اۋىل شارۋاشىلىعىن قولداۋ تەتىكتەرىن جەتىلدىرۋ – ەلىمىزدىڭ ازىق-ت ۇلىك قاۋىپسىزدىگىن قامتاماسىز ەتۋدىڭ باستى جولى.
«بۇگىن ءبىز جولداۋدان اگرارلىق تەحنولوگياعا بايلانىستى كوپ ماسەلەنى ەستىدىك. ەڭ باستىسى – سۋبسيديالاۋ ەندى بىرىڭعاي پلاتفورما ارقىلى جۇرگىزىلەدى. بۇرىنعىداي ءار سالاعا بولەك بەرىلمەي, ورتاق جۇيەگە كوشىرىلدى. بۇل جۇيە اشىقتىقتى قامتاماسىز ەتەدى جانە شارۋالاردىڭ سەنىمىن ارتتىرادى», دەدى زاكىرجان كۋزيەۆ.
ول سونداي-اق اۋىل شارۋاشىلىعى نەسيەلەرىن سۋبسيديالاۋ تەتىكتەرىنە ەرەكشە توقتالدى.
«قازىر «قازاگرو» ارقىلى اگرارلىق نەسيە 5 پايىزدىق مولشەرلەمەمەن سۋبسيديالانىپ جاتىر. بۇل شارۋالار ءۇشىن ۇلكەن جەڭىلدىك ءارى قولداۋ. بۇرىنعىداي جوعارى پايىزبەن نەسيە الىپ, شىعىنعا باتۋ قاۋپى سەيىلەدى. مۇنداي قادامدار اۋىلداعى ەڭبەك ادامىن ىنتالاندىرىپ, سالاعا جاڭا سەرپىن بەرەدى», دەدى دەپۋتات.
سەناتوردىڭ ايتۋىنشا, سۋبسيديالاۋ جۇيەسىنىڭ جاڭا ۇلگىسى اۋىل شارۋاشىلىعىندا ۇزاق جىلداردان بەرى قوردالانعان ماسەلەلەردى شەشۋگە مۇمكىندىك بەرەدى.
«اۋىلداعى نەگىزگى تۇيتكىلدەردىڭ ءبىرى – قارجىلاندىرۋعا قول جەتكىزۋدەگى تەڭسىزدىك بولاتىن. ەندى بىرىڭعاي جۇيەنىڭ ارقاسىندا ادىلدىك ورناپ, شارۋالاردىڭ جاعدايى جاقسارادى دەپ سەنەمىن. بۇل قادامدار پرەزيدەنتتىڭ اگرارلىق عىلىم مەن ءوندىرىستى تىعىز بايلانىستىرۋ, اۋىل ەڭبەككەرلەرىن قولداۋ جونىندەگى تاپسىرمالارىنا تولىق سايكەس كەلەدى», دەدى ول.
زاكىرجان كۋزيەۆ جولداۋدا كوتەرىلگەن باستامالاردىڭ بارلىعى اۋىل شارۋاشىلىعىن جاڭا دەڭگەيگە كوتەرۋگە باعىتتالعانىن اتاپ ءوتتى. ونىڭ پىكىرىنشە, اگرارلىق عىلىمدى دامىتۋ, سۋبسيديالاۋ جۇيەسىن جەتىلدىرۋ جانە قولجەتىمدى نەسيە بەرۋ – ەلدىڭ ازىق-ت ۇلىك قاۋىپسىزدىگى مەن ەكونوميكالىق تۇراقتىلىعىنىڭ كەپىلى.
