فوتو: ۇكىمەتتىڭ ءباسپاسوز قىزمەتى
مەملەكەتتىڭ ەكونوميكاداعى ۇلەسىن ازايتۋ كوپ جىلدان بەرى وزەكتى مىندەت بولىپ كەلەدى.
«ەلىمىزدە مەملەكەتتىڭ ۇلەسى بار ۇيىمدار سانى 25 مىڭعا جۋىقتايدى. كوپشىلىگىنىڭ قىزمەتى مەن قۇرىلىمى سىن كوتەرمەيدى, قيسىنعا دا كەلمەيدى. قازىر كوممەرتسيالىق ەمەس مىندەتتەردى ورىنداۋ ءۇشىن كوممەرتسيالىق ءادىس-تاسىلدەر كەڭىنەن قولدانىلىپ ءجۇر. سونىڭ سالدارىنان ءتۇرلى شىعىندار ارتىپ, كورپوراتيۆتى ورگاندار كوبەيىپ كەتتى. ناقتى ناتيجەگە نازار اۋدارىلمايدى», دەدى مەملەكەت باسشىسى.
قاسىم-جومارت توقاەۆ ستراتەگيالىق جوسپارلاۋ جانە رەفورمالار اگەنتتىگىنە ۇكىمەتپەن بىرلەسىپ, مەملەكەتتىك سەكتوردى رەفورمالاۋ تۋرالى ناقتى ۇسىنىستار ازىرلەۋدى تاپسىردى. قاجەت بولعان جاعدايدا ارنايى جارلىق شىعاراتىنىن اتاپ ءوتتى.
«بۇدان بولەك, ۇكىمەت مەملەكەتتىك م ۇلىك تۋرالى زاڭدى جاڭارتۋعا ءتيىس. زاڭدا مەملەكەتتىڭ ەكونوميكاعا قاتىسۋ شەگى ناقتى ايقىندالۋى كەرەك. سونداي-اق باسقارۋ ىسىنە قاتىستى قۇقىقتىق تالاپتار كورسەتىلۋى قاجەت», دەدى توقاەۆ.
