«بۇگىنگى باستى پروبلەما – جوعارى ينفلياتسيا. ول ەكونوميكالىق كورسەتكىشتەردىڭ ءوسىمىن دە, حالىقتىڭ تابىسىن دا «جەپ» جاتىر. بۇل ماسەلەگە دايىن شەشىم جوق. كوپتەگەن مەملەكەتتەر وسىنداي قيىندىققا تاپ بولىپ وتىر, بىراق ءبىزدىڭ جاعدايدا ول ايرىقشا وتكىر سيپاتقا يە بولدى. ءبىز ماكروەكونوميكالىق «شەڭبەردەن» شىعۋىمىز قاجەت. ول ءۇشىن بۇرىننان قوردالانعان قيىندىقتاردى ەڭسەرىپ, وزىق تاجىريبەنى ەسكەرىپ, قاجەت بولسا, حالىق اراسىندا تانىمال ەمەس شەشىمدەر قابىلداۋعا دايىن بولۋىمىز كەرەك», دەدى پرەزيدەنت.
مەملەكەت باسشىسى ۇكىمەت پەن ۇلتتىق بانككە بۇل ماسەلەمەن بىرلەسىپ اينالىسۋدى تاپسىردى.
«ۇكىمەت پەن ۇلتتىق بانك جاعدايدىڭ كۇردەلىلىگىن ەسكەرە وتىرىپ, ءبىر كوماندا رەتىندە جۇمىس ىستەۋى ءتيىس. بۇل – بۇكىل ەل ءۇشىن ماڭىزدى مىندەت. قازىر ارقان تارتاتىن ۋاقىت ەمەس», دەپ اتاپ ءوتتى قاسىم-جومارت توقاەۆ.
