رەسەي ازاماتشاسى چەمودانعا تىعىلىپ ەۋروپاعا قاشقىسى كەلگەن

استانا. 20 ناۋرىز. وسى كۇندەرى ەلدەگى ەكونوميكالىق جانە قارجىلىق داعدارىستىڭ قيىنداپ بارا جاتقانىن سەزگەن رەسەيلىكتەر تۇرمىس دەڭگەيى جاقسى ەلدەرگە كەتۋدى جان-جاقتى ويلاستىرىپ جاتىر. ماسەلەن, جاقىندا رەسەيلىك ءبىر ازاماتشا چەمودانعا تىعىلىپ, ەلدەن قاشقىسى كەلگەن. بۇل تۋرالى egemen.kz ءتىلشىسى حابارلادى. پولشالىق «Wiadomosi» گازەتىنىڭ حابارلاۋىنشا, ايەل ماسكەۋ – نيتستسا باعىتىنداعى پويىزدا بەلارۋس رەسپۋبليكاسىنان ءوتىپ, پولشا شەكاراسىنا كەلگەندە  ۇستالعان. تەرەسپول وتريادىنىڭ شەكاراشىلارى پويىزدى تەكسەرگەن كەزدە ۇلكەن چەموداندى اشىپ قاراسا ىشىنەن ورتا جاستاعى ايەلدىڭ جاتقانىن كورەدى. ال چەمودان فرانتسيا ازاماتىنىكى بولىپ شىعادى. ول ءوزى ايەلدىڭ كۇيەۋى ەكەن. كەيىن شەكاراشىلار ايەلدىڭ نە ءۇشىن چەمودانعا جاسىرىنعانىن سۇراعاندا ول: «ماعان وسى كەزگە دەيىن شەنگەن ۆيزاسىن الۋعا رۇقسات بەرمەدى. سوندىقتان وسىنداي جولمەن ەۋروپاعا بارۋدى ويلادىم», دەپتى. داستان كەنجالين. دەرەك: egemen.kz سۋرەت: egemen.kz