مارقۇم تەلەفونىندا ءتورت سىنىپتاسىنا ارناپ جازبا قالدىرعان. وندا: «ەندى سەندەر مەنى ۇرا المايسىڭدار», — دەپ جازىلعان.
«اكەسىنىڭ قايتىس بولعانىنا ءۇش جىل بولدى. مەكتەپتە ونى وسى ءۇشىن مازاق ەتتى. ءبىر بالا اقشا, تەمەكى اكەلۋگە ماجبۇرلەپ, ايتقانىن ىستەتەتىن», — دەيدى قازا تاپقان بالانىڭ اناسى جانەركە جۇنىسبەكوۆا.
ومىرسەرىكتىڭ سوڭعى جازباسىندا كورسەتىلگەن ءتورت ەسىم — سىنىپتاستارىنىڭ اتى. ولاردىڭ ءبىرى پوليتسيا ەسەبىندە تۇر. قايعىلى جاعداي بويىنشا قىلمىستىق ءىس قوزعالدى.
اتا-اناسى كىنالىلەردى, سونداي-اق مەكتەپ اكىمشىلىگىن جاۋاپقا تارتۋدى تالاپ ەتۋدە. قايتىس بولعان بالا قالاداعى №32 مەكتەپتە وقىعان. ونىڭ وسى مەكتەپتى بىتىرگەن اپكەسى دە كەزىندە قىسىم مەن اقشا بوپسالاۋعا كۋا بولعانىن ايتتى.
ال مەكتەپ اكىمشىلىگى وقۋشىلار اراسىندا اقشا جيناۋ مەن جانجالدىڭ بولعانىن جوققا شىعاردى.
«وكىنىشكە قاراي, ءبىز بولعان جاعدايدى كەش بىلدىك. وقيعا الدىندا ەشقانداي توبەلەس بولمادى. ونى ەشكىم ۇرعان جوق», — دەدى مەكتەپتىڭ تاربيە ءىسى جونىندەگى ورىنباسارى رايحان تۋلەەۆا.
