جۇكتىلىك پەن بوسانۋعا بايلانىستى جاردەماقىلار بويىنشا 10 ءىس تەرگەلىپ, 15 ادام جاۋاپقا تارتىلدى.
جالعان جۇمىسپەن قامتۋ سحەماسى:
385 جۇكتى ايەلدى جالعان كاسىپكەرلىكتەرگە جۇمىسقا ورنالاستىرۋ ارقىلى مەملەكەتكە 1 ملرد تەڭگەدەن استام شىعىن كەلتىرىلگەن.
اقتوبە وبلىسىندا ومىربەكوۆا مەن بايمۇرزاەۆا 70 ايەلدى 29 جشس-عا جالعان جۇمىسقا ورنالاستىرىپ, 487 ملن تەڭگەنى جىمقىرعانى ءۇشىن 6 جىلعا باس بوستاندىعىنان ايىرىلدى.
شىمكەنت قالاسىندا دۇيسەنوۆا وسىعان ۇقساس ارەكەتى ءۇشىن 98 ملن تەڭگە زالال كەلتىرىپ, 5 جىلعا سوتتالدى.
بارلىق ىستەردە قىلمىس ءبىر ادىسپەن جاسالعان: ايەلدەر ارنايى قۇرىلعان كاسىپكەرلىكتەرگە جالعان جۇمىسقا قابىلدانىپ, وتكەن كۇنمەن ەڭ جوعارى الەۋمەتتىك جانە زەينەتاقى اۋدارىمدارى راسىمدەلگەن. سونىڭ نەگىزىندە جوعارى تولەمدەر تاعايىندالعان.
اتاۋلى الەۋمەتتىك كومەك بويىنشا:
15 جۇمىسپەن قامتۋ جانە الەۋمەتتىك باعدارلامالار بولىمدەرىنىڭ لاۋازىمدى تۇلعالارىنا قاتىستى 3 ءىس قوزعالدى.
سحەما باس بۋحگالتەرلەردىڭ سەنىمدى ادامداردى الەۋمەتتىك وسال توپقا جاتپايتىن بولسا دا كومەك الۋشىلار تىزىمىنە قوسۋىنان تۇرعان. كەيىن ولارعا قاراجات اۋدارىلىپ, قولما-قول اقشاعا اينالدىرىلعان.
- 2023 جىلدان بەرى eGov پورتالى ارقىلى قۇجات راسىمدەۋ مەن مارتەبە بەرۋ پروتسەسىنىڭ تسيفرلاندىرىلۋى مۇنداي الاياقتىقتارعا جول بەرمەيتىن بولدى, - دەلىنگەن اقپاراتتا.
اگەنتتىك ەڭبەك جانە حالىقتى الەۋمەتتىك قورعاۋ مينيسترلىگىنە قىلمىستاردىڭ جاسالۋىنا ىقپال ەتكەن سەبەپتەردى جويۋ ءۇشىن ۇسىنىستار جولدادى.
ەرەجەلەرگە وزگەرىس ەنگىزىلدى: ەندى جاردەماقى تاعايىنداۋ كەزىندە «وتكەن كۇنمەن» تولەنگەن زەينەتاقى جارنالارى ەسەپكە الىنبايدى.
اگەنتتىك مەملەكەتتىڭ ەكونوميكالىق مۇددەلەرىن قورعاۋ باعىتىنداعى جۇمىستاردى جالعاستىرىپ جاتىر.
