قوستاناي وبلىستىق پوليتسيا دەپارتامەنتىنىڭ مالىمەتىنشە, اۋلالاردىڭ بىرىندە ەسىگى جابىلماعان جانە كىلتى ىشىندە تۇرعان ۆاز 21099 اۆتوكولىگىن ۇرلاپ اكەتكەن.
«كولىكتى ايداپ كەتكەن ادام رولگە يە بولا الماي, ءۇش ماشينامەن – BMW, Toyota Alphard جانە Fiat كولىكتەرىمەن سوقتىعىستى. كەيىن وقيعا ورنىنان قاشىپ كەتكەن. پوليتسيا جاساعىنا كۇدىكتىنى ىزدەۋ تۋرالى جەدەل تاپسىرما بەرىلدى.
كولىكتى تەكسەرۋ بارىسىندا ودان ساۋساق ىزدەرى تابىلدى. دەرەكتەر بازاسى ارقىلى كولىكتى ايداپ اكەتۋگە قاتىسى بار تۇلعانىڭ جەكە باسى انىقتالدى. ول – قوستاناي قالاسىنىڭ 27 جاستاعى تۇرعىنى بولىپ شىقتى. قازىرگى تاڭدا كولىك قۇرالىن زاڭسىز يەلەنۋ فاكتىسى بويىنشا سوتقا دەيىنگى تەرگەۋ جۇرگىزىلىپ جاتىر», – دەپ حابارلادى پوليتسيا وكىلدەرى.
سونىمەن قاتار, جول اپاتىنىڭ ءمان-جايىنا قۇقىقتىق باعا بەرىلەتىنى جانە زارداپ شەككەن كولىك يەلەرىنە كەلتىرىلگەن ماتەريالدىق شىعىندى وتەۋ ماسەلەسى قاراستىرىلاتىنى ايتىلدى.
