فوتو: ەرلان ومار
رەسمي ستاتيستيكاعا سايكەس, اتاۋلى الەۋمەتتىك كومەك الۋشىلاردىڭ سانى سوڭعى جىلدارى بىرتىندەپ ازايىپ كەلەدى. 2023 جىلى بۇل كورسەتكىش 168 مىڭ ادام بولسا, 2024 جىلى 97 مىڭعا دەيىن تومەندەگەن. ال 2025 جىلى كومەك الۋشىلاردىڭ سانى 91 مىڭ ادامدى قۇراعان.
تەكسەرۋ بارىسىندا بىرقاتار وتباسىلار ءوتىنىش بەرۋ كەزىندە ءبىر مەكەنجايدى كورسەتكەنى بەلگىلى بولدى. بۇدان بولەك, 56 ءوتىنىش بويىنشا جالعان قورىتىندىلار راسىمدەلىپ, سونىڭ سالدارىنان 9,7 ملن تەڭگە زاڭسىز تولەنگەن.
سونىمەن قاتار 22 وتباسى وزدەرىنە تيەسىلى م ۇلىكتى (كولىك, جەر تەلىمى جانە باسقا دا اكتيۆتەر) جاسىرىپ قالعان. ال تاعى 13 وتباسى تابىسىن كورسەتپەي, الەۋمەتتىك تولەمدەرگە زاڭسىز قول جەتكىزگەن.
«اتالعان زاڭ بۇزۋشىلىقتار بويىنشا پروكۋرورلارمەن اكىمدىككە زاڭدىلىقتى بۇزۋشىلىقتاردى جويۋ جانە 36 ملن تەڭگەدەن استام قاراجاتتى قايتارۋ تۋرالى ۇسىنىس ەنگىزىلدى. بۇگىنگى تاڭدا اكىمدىك اكتىنى قاراۋ بارىسىندا زاڭ بۇزۋشىلىقتاردى جويۋ جونىندە شارالاردى قابىلداپ جاتىر», دەلىنگەن حابارلامادا.
