فوتو: gov.kz
ءتيىمدى عىلىمي ەكوجۇيەنى قۇرۋ ءۇشىن مەملەكەت باسشىسىنىڭ جانىنان ۇلتتىق عىلىم اكادەمياسى مەن عىلىم جانە تەحنولوگيالار جونىندەگى ۇلتتىق كەڭەس قۇرىلعان. سونداي-اق زەرتتەۋلەردى ەكونوميكانىڭ پراكتيكالىق قاجەتتىلىكتەرىنە باعىتتاۋ ءۇشىن «عىلىم جانە تەحنولوگيالىق ساياسات تۋرالى» جاڭا زاڭ قابىلدانعان. عىلىم جانە جوعارى ءبىلىم ءمينيسترى ساياسات نۇربەكتىڭ ايتۋىنشا, عالىمداردى قولداۋ اياسىندا جالاقى 18% وسۋمەن قاتار, عىلىمي اتاقتار ءۇشىن بەرىلەتىن ۇستەمەاقىلار مولشەرى كوبەيگەن.
عىلىم مەن ءوندىرىستىڭ بايلانىسىنا ەرەكشە نازار اۋدارىلادى. عىلىمي ازىرلەمەلەرگە ينۆەستيتسيا سالاتىن بيزنەس ءۇشىن 150% سالىق شەگەرىمى قاراستىرىلعان. ناقتى سەكتورمەن بىرلەسىپ ورىندالعان جوبالاردىڭ ۇلەسىن 2025 جىلى 20%-عا جەتكىزۋ مىندەتى قويىلعان. بۇل شارالار عىلىمي جاڭالىقتاردى كوممەرتسيالاندىرۋدى قامتاماسىز ەتۋگە جانە قازاقستاننىڭ تەحنولوگيالىق ەگەمەندىگىن نىعايتۋعا ارنالعان.
ء«بىزدىڭ بارلىق عالىمدار قازىر ءىرى كاسىپورىندارمەن تىعىز بايلانىستا جۇمىس ىستەيدى. وتكەن جىلى وسىنداي توعىز ارنايى كەزدەسۋ ءوتتى, وعان 400-دەن استام مامان قاتىستى. ناتيجەسىندە قازاقمىس, ERG, قازاتومونەركاسىپ, قارمەت, قازمىرىش سياقتى ءىرى كومپانيالاردىڭ ماماندارىمەن بىرلەسىپ 100-دەن استام عىلىمي ماسەلەلەر ازىرلەنىپ, 10 عىلىمي تاپسىرما بەكىتىلدى», دەدى ساياسات نۇربەك.
