فوتو: aa.com.tr
قر ۇياو گزي دەرەكتەر ورتالىعىنىڭ جەدەل مالىمەتىنە سايكەس, ءزىلزالانىڭ ەپيتسەنترى 34,67° سولتۇستىك ەندىك پەن 70,77° شىعىس بويلىقتا ورنالاسقان. ماگنيتۋداسى 5,2, ەنەرگەتيكالىق كلاسى K=13,0, تەرەڭدىگى 142 كم بولدى.
بۇعان دەيىن, 4 قىركۇيەك كۇنى ساعات 21:56-دا (استانا ۋاقىتى) ءدال وسى وڭىردە تاعى دا جەر سىلكىنىسى بولعان ەدى. ونىڭ ماگنيتۋداسى 5,7, ەنەرگەتيكالىق كلاسى K=13,8, تەرەڭدىگى 92 كم دەپ كورسەتىلگەن.
ايتا كەتەيىك, 1 قىركۇيەككە قاراعان ءتۇنى اۋعانستاندا ماگنيتۋداسى 6,0 جەر سىلكىنىسى تىركەلگەن بولاتىن. بۇل اپات ەلدەگى سوڭعى جىلدارداعى ەڭ جويقىن ءزىلزالالاردىڭ ءبىرى بولىپ, مىڭداعان ادامعا قايعى اكەلگەن.
ودان كەيىن 2 قىركۇيەكتە ماگنيتۋداسى 5,5 جەر سىلكىنىسى قۇتقارۋ جۇمىستارىن قيىنداتىپ, تاۋلاردان تاس قۇلاپ, شالعايداعى اۋىلدارعا اپاراتىن جولداردى جاۋىپ قالعان ەدى.
رەسمي مالىمەت بويىنشا, اپاتتان قازا تاپقانداردىڭ سانى 2200 ادامنان اسقان.
