«شەشىم نەگىزگى ماكروەكونوميكالىق كورسەتكىشتەر بويىنشا جاڭارتىلعان بولجامدار مەن ينفلياتسيالىق تاۋەكەلدەر تەڭگەرىمىنىڭ باعالاۋى نەگىزىندە قابىلداندى», دەلىنگەن بانك حابارلاماسىندا.
كەلەسى جوسپارلى شەشىم 2025 جىلعى 10 قازاندا جاريالانادى.
تولەمدى كەشىكتىرگەندەرگە نەسيە بەرىلمەيدى
قارجى نارىعىن رەتتەۋ جانە دامىتۋ اگەنتتىگىنىڭ (قنردا) جاڭا قاۋلىسىنا سايكەس, ايلىق تابىسى ەڭ تومەنگى كۇنكورىس دەڭگەيىنەن تومەن ازاماتتارمەن تابىسىنىڭ جارتىسىنان استامى قارىز تولەۋگە كەتەتىندەرگە جاڭا نەسيە بەرىلمەيدى. سونداي-اق بانكتەن العان قارىزىن 30 كۇنگە, ميكروقارىزىن 1 كۇنگە كەشىكتىرگەندەرگە, كەيىنگى 3 جىلدا تولەمدى كەشىكتىرىپ جاساعاندارعا دا نەسيە راسىمدەۋ قيىنعا سوقپاق.
قنردا مالىمەتىنشە, جاڭا تالاپتار شامادان تىس قارىزدانۋدى ازايتۋعا, تاۋەكەلى جوعارى قارىز الۋشىلاردى شەكتەۋگە باعىتتالعان. قازىر حالىقتىڭ جالپى نەسيە قارىزى 24 ترلن تەڭگەدەن اسىپ وتىر.
ۇلەستىك قۇرىلىس ەرەجەلەرى وزگەردى
بيىل 31 تامىزدان باستاپ تۇرعىن ءۇي قۇرىلىسىنا ۇلەستىك قاتىسۋ تۋرالى زاڭعا ەنگىزىلگەن وزگەرىستەر كۇشىنە ەندى. تۇرعىن ءۇي كومپانياسى (قتك) مالىمەتىنشە, جاڭا ەرەجەلەر ۇلەسكەرلەر قۇقىعىن قورعاۋعا جانە قۇرىلىس سالۋشىلار ءۇشىن قوسىمشا مۇمكىندىك جاساۋعا باعىتتالعان.
قتك ەندى تەك كوپپاتەرلى ۇيلەرگە ەمەس, 5 قاباتقا دەيىنگى از قاباتتى تۇرعىن ۇيلەرگە, كەمىندە 50 ۇيدەن تۇراتىن كوتتەدج قالاشىقتارىنا دا كەپىلدىك بەرەدى. كومپانيا وكىلدەرى بۇل ۇلەسكەرلەردىڭ سەنىمىن ارتتىرىپ, تۇرعىن ءۇي جوبالارىنا قاتىسۋدى قاۋىپسىز ەتەتىنىن ايتادى.
دايىنداعان –
ەلىگىماي توڭكەر,
«Egemen Qazaqstan»
