قازىرگى تاڭدا تسەحتا مۇنايشىلارعا, دارىگەرلەرگە جانە قۇرىلىسشىلارعا ارنالعان ارناۋلى كيىمدەر تىگىلەدى. تسەحتا 20-دان استام بىلىكتى تىگىنشى ەڭبەك ەتىپ, جىلىنا 5 مىڭ دانا ارنايى كيىم شىعارادى.
كاسىپورىن وكىلى رەناتا ۋمبەتاليەۆانىڭ ايتۋىنشا, تىگىن تسەحى جىل سايىن دامىپ, ءوندىرىس كولەمىن ۇلعايتىپ كەلەدى.
مەملەكەتتەن بەرىلەتىن قولداۋ ءبىز ءۇشىن ۇلكەن مۇمكىندىك بولدى. سۋبسيديا الۋ ارقىلى كاسىبىمىزدى جولعا قويدىق. بۇگىنگى تاڭدا ءبىز ءۇشىن ەڭ باستىسى - ساپا مەن تۇتىنۋشىنىڭ سەنىمى. بولاشاقتا ءوندىرىسىمىزدى كەڭەيتىپ, ۇلكەن فابريكا اشۋ ماقساتىمىز. بۇل ارقىلى جاڭا جۇمىس ورىندارىن قۇرىپ, ءوڭىر ەكونوميكاسىنا ءوز ۇلەسىمىزدى قوسقىمىز كەلەدى, - دەدى رەناتا ۋمبەتاليەۆا.
بۇل باستاما ايماقتاعى شاعىن بيزنەستىڭ دامۋىنا, جاڭا جۇمىس ورىندارىنىڭ كوبەيۋىنە جانە جۇمىسشى ماماندىقتاردىڭ مارتەبەسىن ارتتىرۋعا سەرپىن بەرىپ وتىر.
