فوتو: gov.kz
وتىنىمدەردىڭ باسىم بولىگى ەڭبەك ونىمدىلىگىن ارتتىرۋعا جۇمسالعان شىعىندارىن وتەۋ بويىنشا تۇسكەن. وعان وندىرىستەگى تەحنولوگيالىق پروتسەستەردى جەتىلدىرۋ, ءوندىرىستى جاڭعىرتۋ جانە تسيفرلاندىرۋ, جاڭا تەحنيكالىق جابدىقتار ساتىپ الۋ, سونداي-اق قىزمەتكەرلەردى وقىتۋ مەن ولاردىڭ بىلىكتىلىگىن ارتتىرۋ جۇمىستارى جاتادى.
وسى شارالار بويىنشا كاسىپورىنداردىڭ جالپى سوماسى 1 ملرد 268 ملن 775 مىڭ تەڭگەگە 86 ءوتىنىمى ماقۇلداندى.
ءبىرىنشى باعىت بويىنشا ەڭ كوپ ءوتىنىم استانا, الماتى جانە شىمكەنت قالالارىنداعى, سونداي-اق الماتى مەن پاۆلودار وبلىستارىنداعى وڭدەۋ ونەركاسىبى كاسىپورىندارىنان ءتۇستى. سالالىق بولىنىستە بۇل – ماشينا جاساۋ, مەتاللۋرگيا ونەركاسىبى, اوك, جيھاز جانە قۇرىلىس ماتەريالدارى ءوندىرىسى كاسىپورىندارى.
ەكىنشى باعىت بويىنشا – ءونىمدى ىشكى نارىقتا ىلگەرىلەتۋگە جۇمسالعان شىعىنداردى وتەۋ اياسىندا – جالپى سوماسى 2 ملن 633 مىڭ تەڭگە قۇرايتىن وتىنىمدەر ماقۇلداندى. بۇل باعىتتا كاسىپورىندار ءونىمنىڭ سايكەستىگىن راستاۋعا بايلانىستى شىعىندارىنىڭ ءبىر بولىگىن (ونىمدەر مەن قىزمەتتەردىڭ سايكەستىگىن باعالاۋ, سەرتيفيكاتتاۋ جانە زەرتحانالىق سىناقتار, ينسپەكتسيالىق اۋديت پەن باقىلاۋ, سەرتيفيكاتتاردى تىركەۋ, ۇزارتۋ جانە قايتا رەسىمدەۋ) وتەي الادى. ال جەڭىل ونەركاسىپ سۋبەكتىلەرىنە – اياق كيىم ءونىمىن تاڭبالاۋعا جۇمسالعان شىعىنداردى (سايكەستەندىرۋ قۇرالدارىن ساتىپ الۋ, تاڭبالاۋدى باسىپ شىعارۋ قىزمەتتەرىن تولەۋ, تاڭبالاۋ ءۇشىن جابدىق پەن باعدارلامالىق جاساقتاما ساتىپ الۋ) وتەۋ قاراستىرىلعان.
ەستەرىڭىزگە سالا كەتەيىك, QazIndustry كاسىپورىنداردىڭ تەحنولوگيالىق پروتسەستەردى جەتىلدىرۋگە, ءوندىرىستى جاڭعىرتۋعا جانە ءونىمدى ىلگەرىلەتۋگە بايلانىستى شىعىندارىنىڭ 40-50 %-ىن وتەيدى.
