فوتو: اشىق دەرەككوز
ونىڭ سوزىنشە, ەلدىڭ وداققا كىرۋىنە قاتىستى تەحنيكالىق كەلىسسوزدەر كەلەسى جىلى اياقتالادى. ال سوڭعى كەلىسىمدى ماقۇلداۋ پروتسەسى ءبىر-ەكى جىلعا سوزىلۋى مۇمكىن.
«ەگەر بارلىق راسىمدەر جوسپارعا ساي جۇرسە, 2028 جىلى چەرنوگوريا ەۋرووداقتىڭ 28-مۇشەسى بولا الادى», دەدى مارتا كوس.
ايتا كەتەيىك, بۇل قادام قازاقستاندىق ساياحاتشىلار ءۇشىن بىرقاتار وزگەرىس اكەلۋى ىقتيمال. قازىرگى تاڭدا قازاقستان ازاماتتارى چەرنوگورياعا 30 كۇنگە دەيىن ۆيزاسىز بارا الادى. ۆيزاسىز رەجيم ادەتتە كوكتەمنەن كۇزدىڭ سوڭىنا دەيىن قولدانىلادى (بيىلعى مەرزىم – 1 ناۋرىزدان 1 قاراشاعا دەيىن).
سونىمەن قاتار, ەلگە كەلگەن ءاربىر تۋريست العاشقى تاۋلىكتە ۋاقىتشا تىركەۋدەن وتۋگە مىندەتتى. بۇل ءراسىم تۋريستىك كومپانيالاردا, قوناقۇيلەردە نەمەسە جەرگىلىكتى پوليتسيا بولىمشەسىندە جۇرگىزىلەدى.
قازاقستاننان چەرنوگورياعا بارۋ ءۇشىن تىكەلەي اۋە رەيستەرى دە قولجەتىمدى. Air Astana كومپانياسى الماتى مەن استانادان پودگوريتساعا تىكەلەي ۇشۋلاردى جۇزەگە اسىرادى.
الايدا چەرنوگوريا ەو قۇرامىنا كىرگەن جاعدايدا, قازاقستاندىقتار ءۇشىن شەنگەن ۆيزاسى قاجەت بولادى. ونىڭ قۇنى ەرەسەكتەرگە – 90 ەۋرو, ال 6-12 جاس ارالىعىنداعى بالالارعا – 45 ەۋرو. دەگەنمەن, ەۋروكوميسسيا قازاقستان مەن ەۋرووداق اراسىنداعى ۆيزالىق ءتارتىپتى جەڭىلدەتۋ بويىنشا جوسپار بار ەكەنىن اتاپ ءوتتى.
ەستەرىڭىزگە سالا كەتەيىك, چەرنوگوريا 2010 جىلدان بەرى ەو-عا كىرۋگە رەسمي كانديدات سانالادى. سونداي-اق البانيا, بوسنيا جانە گەرتسەگوۆينا, سولتۇستىك ماكەدونيا, سەربيا جانە كوسوۆو دا وداققا مۇشە بولۋدى كوزدەپ وتىر. (قازاقستان كوسوۆونى جەكە مەملەكەت رەتىندە ەمەس, سەربيانىڭ بولىگى رەتىندە قاراستىرادى).
