فوتو: اشىق دەرەككوز
ورتالىقتىڭ مالىمدەۋىنشە, بۇل اقپارات شىندىققا سايكەس كەلمەيدى جانە قوعامدا جالعان پىكىر قالىپتاستىرۋعا باعىتتالعان.
«قازاقستان رەسپۋبليكاسى پرەزيدەنتى جانىنداعى ورتالىق كوممۋنيكاتسيالار قىزمەتى جالعان اقپاراتقا قارسى ءىس-قيمىل ورتالىعى حابارلايدى: قازاقستان رەسپۋبليكاسىنىڭ سىرتقى ىستەر ءمينيسترى مۇرات نۇرتىلەۋ مەن كاسىپكەر گادجي گادجيەۆتىڭ ۇستالعانى تۋرالى اقپارات شىندىققا جاناسپايدى.ورتالىق رەسمي مالىمدەيدى: ادەيى جالعان اقپارات تاراتۋ قوعامدىق سەنىمگە نۇقسان كەلتىرىپ, بولىپ جاتقان وقيعالارعا بۇرمالانعان كوزقاراس قالىپتاستىرادى», دەلىنگەن حابارلامادا.
قر ءسىم رەسمي وكىلى ايبەك سمادياروۆ تا بۇل اقپاراتتى جوققا شىعارىپ, تاراعان حابارلامانى «جۋرناليستىك ەتيكا مەن قولدانىستاعى زاڭنامانى ورەسكەل بۇزۋ» دەپ اتادى.
