فوتو: اقوردا
ەرلان قارين ەلىمىزدە جاستار بيلىكتىڭ بارلىق دەڭگەيىندەگى شەشىم قابىلداۋ ۇدەرىسىنە تارتىلعانىن اتاپ ءوتتى. ولاردىڭ سانى پارلامەنت, ءماسليحات, قوعامدىق كەڭەس قۇرامىندا ايتارلىقتاي ارتتى. پرەزيدەنتتىك جاستار كادر رەزەرۆىنىڭ قاتىسۋشىلارى جاۋاپتى قىزمەتتەرگە تاعايىندالىپ جاتىر.
جاستار پرەزيدەنت باستامالارىنىڭ نەگىزگى قوزعاۋشى كۇشى سانالادى ءارى ەلىمىزدىڭ جاسامپازدىققا نەگىزدەلگەن كۇن ءتارتىبىن قالىپتاستىرۋ مەن ىلگەرىلەتۋ ىسىندە شەشۋشى ءرول اتقارادى.
بىرلەسكەن جۇمىستىڭ نەگىزگى باعىتتارىن پىسىقتاي وتىرىپ, ەرلان قارين ەسىرتكىگە قارسى ءىس-قيمىل ماسەلەسىنە ايرىقشا توقتالدى. مەملەكەت باسشىسى بيىل 13 تامىزدا وتكەن قاۋىپسىزدىك كەڭەسى وتىرىسىندا ناشاقورلىقتى اۋىزدىقتاۋعا باعىتتالعان كەشەندى شارالار قابىلداۋدى, بۇل ىسكە جاستار مەن ەرىكتىلەر ۇيىمدارىن تارتۋدى تاپسىرعان بولاتىن. مەملەكەتتىك كەڭەسشى جاستار ۇيىمدارىنىڭ كوشباسشىلارىن ناشاقورلىققا قارسى كۇرەس جۇمىستارىنا بەلسەنە اتسالىسۋعا شاقىردى. سونداي-اق اتالعان كەسەلمەن كۇرەستە مەملەكەتتىك ورگاندار مەن قوعامدىق ۇيىمداردىڭ بىرلەسكەن كۇش-جىگەرى ارقىلى عانا وڭ ناتيجەگە قول جەتكىزۋگە بولاتىنىن ەرەكشە اتاپ ءوتتى.
ەرلان قارين جاستار ۇيىمدارى «تازا قازاقستان» جالپىۇلتتىق جوباسىنا ەلەۋلى ۇلەس قوسقانىن جەتكىزدى. وسى باستاما اياسىندا شامامەن 10 ميلليون ادامنىڭ قاتىسۋىمەن 1 مىڭنان استام ەكولوگيالىق اكتسيا ۇيىمداستىرىلدى. مەملەكەتتىك كەڭەسشى جاستار كوشباسشىلارىنىڭ نازارىن الداعى ۋاقىتتا وسى ناۋقاننىڭ اۋقىمىن كەڭەيتۋ قاجەتتىگىنە اۋداردى. ونىڭ ايتۋىنشا, «تازا قازاقستان» ەكولوگيالىق جوبا عانا ەمەس, سونىمەن بىرگە ازاماتتاردىڭ جاڭاشا ويلاۋ ءارى مىنەز-ق ۇلىق يدەولوگياسىنا, قازاقستاندىقتاردىڭ ءومىر سالتىنا اينالۋعا ءتيىس.
كەزدەسۋ سوڭىندا ەرلان قارين مەملەكەت جاستارعا قولداۋ كورسەتىپ قانا قويماي, جۇرگىزىپ جاتقان رەفورمالاردا ولارعا نەگىزگى ءرولدى سەنىپ تاپسىرعانىن جەتكىزدى. ءوز كەزەگىندە جاس بۋىن ەل بولاشاعى ءۇشىن وزدەرىنىڭ جاسامپاز الەۋەتىن بارىنشا ىسكە اسىرۋعا ۇمتىلۋى قاجەت.
