بۇل – بالالارعا ارنالعان جاڭا زاماناۋي كەشەن. جوبا قالانىڭ الەۋمەتتىك ينفراقۇرىلىمىن نىعايتىپ قانا قويماي, بالالاردىڭ دەنساۋلىعىن, دامۋىن جانە بوس ۋاقىتىن ءتيىمدى وتكىزۋىنە ۇلكەن مۇمكىندىك بەرەدى.
جوسپارلانعان كەشەن ادەتتەگى جاتاقحانا نەمەسە شاعىن عيمارات ەمەس. مۇندا جان-جاقتى جاعداي قاراستىرىلعان. كەڭ سپورت زالى, بالالارعا ارنالعان ويىن الاڭشالارى, بوبەكتەرگە ارنالعان قوسىمشا توپتار بولادى. ەڭ باستىسى, مۇمكىندىگى شەكتەۋلى بالالاردىڭ دا ەش كەدەرگىسىز ءبىلىم الىپ, ويناپ, ۋاقىت وتكىزۋىنە ارنالعان ارنايى جابدىقتالعان بولمەلەر جاساقتالادى. بۇل ءوز كەزەگىندە ينكليۋزيۆتى ورتا قالىپتاستىرۋعا جول اشادى.
«Integra Construction» كومپانياسى – ەلىمىزدەگى ءىرى قۇرىلىس ۇيىمدارىنىڭ ءبىرى. كومپانيا وكىلدەرىنىڭ ايتۋىنشا, العاشقى ناتيجەلەر بيىل جىلدىڭ سوڭىنا قاراي بايقالا باستايدى. ال جوبا تولىق اياقتالىپ, پايدالانۋعا بەرىلۋى كەلەسى جىلعا جوسپارلانعان. ياعني كوپ ۋاقىت وتپەي-اق الماتىلىق بالالار جاڭا ورتالىقتىڭ يگىلىگىن كورەدى.
كومپانيا باسشىسى قۇدرات شاميەۆتىڭ ايتۋىنشا, بۇل باستاما «Integra» كومانداسى ءۇشىن تەك قانا وندىرىستىك مىندەت ەمەس, الەۋمەتتىك جاۋاپكەرشىلىكتىڭ ايقىن كورىنىسى.
«بۇل جوبا – ءبىزدىڭ كومپانيانىڭ بالالاردىڭ بولاشاعىنا قوسقان ۇلەسى. ءاربىر ۇل-قىزدىڭ ساپالى ءبىلىم الىپ, سپورتپەن شۇعىلدانىپ, ويناپ, جان-جاقتى دامۋىنا جاعداي جاساۋ – باستى ماقساتىمىز. وسىلايشا, «Integra Construction» مەملەكەت باسشىسىنىڭ تاپسىرماسىن ناقتى ءىس جۇزىندە ورىنداپ, جاس ۇرپاق ءۇشىن ماڭىزدى الەۋمەتتىك جوبانى جۇزەگە اسىرۋعا كىرىستىك», دەيدى ول.
جاڭا كەشەننىڭ ىسكە قوسىلۋى الماتىداعى بالالارعا ارنالعان ينفراقۇرىلىمدى ەداۋىر جاقسارتىپ, اتا-انالاردىڭ الەۋمەتتىك جاعدايىنا دا وڭ اسەر ەتپەك. ويتكەنى مۇندا تەك بالالار عانا ەمەس, ولاردىڭ وتباسىلارى ءۇشىن دە ىڭعايلى ورتا قالىپتاسادى.
