ءماۋلىت ايى – مۇحاممەد پايعامباردىڭ دۇنيەگە كەلگەن قاسيەتتى ايى. بيىل پايعامبارىمىزدىڭ تۋعان كۇنى ءدىني كۇنتىزبەگە سايكەس 3-4 قىركۇيەككە تۇسپا-تۇس كەلىپ وتىر.
يسلام ءدىنى بويىنشا ءماۋلىت مەرەكەسىنىڭ ءمانى – پايعامبارىمىزدىڭ ونەگەلى ءومىرىن ناسيحاتتاۋ, جاستاردى يماندىلىققا, ادامگەرشىلىككە جانە ىزگىلىككە تاربيەلەۋ. بۇل ايدا ورازا ۇستاۋ مىندەتتى ەمەس. مۇسىلماندار ءۇشىن ورازا پارىز بولىپ سانالاتىن جالعىز اي – رامازان. ال ءماۋلىت ايىندا ساۋاپتى امالدار جاساپ, قۇران وقۋ جانە سالاۋات ايتۋ سۇننەت سانالادى.
ء«ماۋلىت ايى – پايعامبارىمىزدىڭ ونەگەلى ءومىرىن ناسيحاتتاپ, سۇننەت امالدارىن دارىپتەۋدىڭ, ءدىنىمىزدىڭ اسىل قۇندىلىقتارىن ۇلىقتاۋدىڭ بەرەكەلى مۇمكىندىگى. بۇل ايدا مەشىتتەردە اللاعا ماداق ايتىلىپ, پايعامبارىمىزعا سالاۋات جولدانادى, ءماۋلىت جىرى وقىلادى. سالاۋات ايتۋ – ءوزىمىز ءۇشىن قايىرلى ءارى مول ساۋاپقا جەتەلەيتىن ىزگى امال. سونداي-اق پايعامبارىمىزدىڭ سۇننەتىن ۇستانۋ – اللانىڭ رازىلىعىنا جاقىنداتار جولدىڭ ءبىرى», دەدى باس ءمۇفتي ناۋرىزباي قاجى تاعان ۇلى.
