مالايزيا, يندونەزيا, تايلاند جانە ۆەتنام ەلدەرىن بىرىكتىرەتىن قازاقستانداعى ASEAN كوميتەتى ۇيىمداستىرعان بۇل شارا ASEAN-نىڭ قۇرىلعانىنا 58 جىل جانە كوميتەتتىڭ قازاقستاندا جۇمىس ىستەگەنىنە 11 جىل تولۋىنا وراي يندونەزيا مادەني ورتالىعىندا وتكىزىلدى.
فەستيۆالگە 1 000-نان استام ادام قاتىستى. ولاردىڭ قاتارىندا جەرگىلىكتى تۇرعىندار, ASEAN جانكۇيەرلەرى جانە ديپلوماتيالىق كورپۋس وكىلدەرى بولدى. قوناقتارعا مۋزىكا, بي, ءان سياقتى مادەني باعدارلامالار ۇسىنىلىپ, ءداستۇرلى ءسان ۇلگىلەرى مەن ۇلتتىق اسحانادان ءدام تاتۋعا مۇمكىندىك بەرىلدى.
قازاقستانداعى مالايزيا ەلشىسى موحد ادلي ابدۋللا ءوز قۇتتىقتاۋ سوزىندە مالايزيانىڭ قازىرگى ASEAN توراعالىعىنا توقتالىپ, قازاقستاندىقتاردى مالايزياعا قوناق بولىپ كەلۋگە شاقىردى.
