سالتاناتتى جيىنعا شىعىس قازاقستان وبلىسىنىڭ اكىمى نۇرىمبەت ساقتاعانوۆ جۇمىس ساپارى اياسىندا قاتىستى.
— مۇنداي مەكتەپتەردىڭ سالىنۋى — بولاشاققا سالىنعان ينۆەستيتسيا. ءبىز ءۇشىن بالالاردىڭ جايلى ءارى قاۋىپسىز جاعدايدا ءبىلىم الۋى, ال مۇعالىمدەردىڭ ساپالى جۇمىس ىستەۋىنە بارلىق مۇمكىندىكتەردىڭ بولۋى وتە ماڭىزدى. بۇل — قالانىڭ جانە ءوڭىردىڭ دامۋىنا نەگىز, — دەپ اتاپ ءوتتى وبلىس اكىمى.
«AN Groups» كومپانياسى سالعان جاڭا مەكتەپ قازىرگى زامانعى ءبىلىم بەرۋ ستاندارتتارىنا تولىق سايكەس كەلەدى. مۇندا كەڭ ءارى جارىق سىنىپتار, ارنايى پاندىك كابينەتتەر, اكت جانە سپورت زالدارى جابدىقتالعان, سونداي-اق تسيفرلىق وقىتۋعا قاجەتتى بارلىق تەحنيكا ورناتىلعان.
— بىزدە مۇنداي كولەمدە جابدىق بۇرىن-سوڭدى بولماعان, بۇل — شىن مانىندە «بولاشاقتىڭ مەكتەبى», — دەپ ءبولىستى وقۋ ورنىنىڭ شارۋاشىلىق مەڭگەرۋشىسى.
اتا-انالار مەن مۇعالىمدەر بۇل وقيعانى ۇزاق كۇتتىك دەيدى. ەندى جۇزدەگەن بالا جايلى جاعدايدا ءبىلىم الىپ, مەكتەپ تەك وقۋ ورنى عانا ەمەس, مادەني ءومىردىڭ دە ورتالىعىنا اينالماق.
— مۇنداي كەرەمەت مەكتەپتە ساباق وقىماۋ نەمەسە ءۇي تاپسىرماسىن ورىنداماۋ ۇيات سياقتى, — دەيدى وقۋشىلار.
ايتا كەتەيىك, بيىل بۇل مەكتەپتە العاش رەت 30-دان استام بالا پارتاعا وتىردى.
ريددەردە جاڭا ءبىلىم بەرۋ مەكەمەسىنىڭ اشىلۋى — ءبىلىم ساپاسىن ارتتىرۋ مەن ءوسىپ كەلە جاتقان ۇرپاققا تەڭ مۇمكىندىك جاساۋ جولىنداعى ماڭىزدى قادام.
