قالا مەرى ماسافۋمي كوكيدىڭ ايتۋىنشا, بۇل شارا دەنساۋلىققا قاۋىپ-قاتەردى, سونىڭ ىشىندە ۇيقى ماسەلەلەرىن ازايتاتىن كورىنەدى.
اتالعان ۇسىنىس بويىنشا, مەكتەپ وقۋشىلارى ءۇشىن بولەك ەرەجەلەر ەنگىزىلگەن. كىشكەنتاي بالالارعا ساعات 21.00-دەن كەيىن, ال ەرەسەك بالالارعا كەشكى 22.00-دەن كەيىن سمارتفونداردى پايدالانۋدان مۇلدەم باس تارتۋ قاجەت.
بۇل يدەيا الەۋمەتتىك جەلىلەردە قىزۋ پىكىرتالاس تۋدىرعان. كەيبىر ازاماتتا بۇلايشا ەكى ساعاتتىق شەكتەۋدى ءجون كورمەيدى. تاعى بىرەۋلەر سمارتفونداردى پايدالانۋ ۋاقىتىن ءار وتباسىنىڭ ءوزى شەشۋى كەرەك دەپ ەسەپتەيدى. بۇل پىكىرلەرگە وراي جاۋاپ رەتىندە قالا باسشىسى شەكتەۋلەر كەڭەس بەرۋ سيپاتىندا بولاتىنىن ءتۇسىندىردى.
شەشىم كەلەسى اپتادا قابىلدانباق. بۇل وڭ قادام بولسا, شارا قازان ايىندا كۇشىنە ەنەتىن كورىنەدى.
وسىعان ۇقساس شارالار جاپونيادا بۇعان دەيىن دە قولدانىلعان, اتاپ ايتقاندا 2020 جىلى كاگاۆا پرەفەكتۋرالىق ۇكىمەتى بالالارعا ويىندى جۇمىس كۇندەرى ءبىر ساعاتقا, ال مەرەكە كۇندەرى 90 مينۋتقا دەيىن شەكتەۋدى ۇسىنعان. 15 جاسقا دەيىنگى بالالار ءۇشىن ساعات 21:00-دەن كەيىن, ال 15 جاستان اسقان جاسوسپىرىمدەر ءۇشىن ساعات 22:00-دەن كەيىن سمارتفون قولدانباۋ ەرەجەسى بار.
