پوليتسيا قىزمەتكەرلەرى الدىندا باتىس قازاقستان وبلىسىنىڭ اكىمى ناريمان تورەعاليەۆ ءسوز سويلەپ, مەملەكەتتىك مەرەكەمەن قۇتتىقتادى. ەڭبەگىمەن ەرەكشەلەنگەن قىزمەتكەرلەرگە العىس حاتتار مەن گراموتالار تابىستالدى.
بقو پوليتسيا دەپارتامەنتىنىڭ باستىعى, پوليتسيا پولكوۆنيگى ارمان ورازاليەۆ قازاقستان رەسپۋبليكاسى ىشكى ىستەر ءمينيسترىنىڭ اتىنان توسبەلگىلەر, العىس حاتتار مەن گراموتالار تابىس ەتتى. سونداي-اق, بىرقاتار قىزمەتكەر دەپارتامەنت باستىعىنىڭ بۇيرىعىمەن ماراپاتتالدى.
وسى كۇنى اۋداندىق پوليتسيا بولىمدەرى سۋ جاڭا 30 قىزمەتتىك اۆتوكولىككە يە بولدى.
ال ىشكى ىستەر قاتارىنا جاڭادان كىرگەن جاس پوليتسيا قىزمەتكەرلەرى ارىپتەستەرىنىڭ الدىندا وتانعا جانە حالىققا ادال قىزمەت ەتۋگە انت بەردى.
ءىس-شارا سوڭىندا ورال گارنيزونى پوليتسياسى الاڭدا سالتاناتتى شەرۋمەن ءجۇرىپ ءوتتى.
باتىس قازاقستان وبلىسى
