سۋرەت: nu.edu.kz
باسقوسۋعا نازارباەۆ ۋنيۆەرسيتەتىنەن بولەك, نارحوز ۋنيۆەرسيتەتىنەن, بۇۇ بالالار قورىنان, يۋنەسكو-نىڭ الماتى قالاسىنداعى وڭىرلىك كەڭسەسىنەن, بۇۇ دامۋ باعدارلاماسىنان, ەلدەگى فريدريح-ەبەرت قورىنان, باسقا دا حالىقارالىق, مەملەكەتتىك ۇيىمداردان قوناقتار كەلدى. بايانداماشىلار تاقىرىپقا قاتىستى وزەكتى پىكىرلەرىن, ۇسىنىستارىن ايتتى. سونىڭ ىشىندە Nazarbayev university-ءدىڭ تۇراقتى دامۋ جونىندەگى ديرەكتورى, پروفەسسور قانات بايعارين كليماتتىق وزگەرىستەرگە قاتىستى ناقتى شەشىم قابىلدايتىن كەزەڭ الدەقاشان جەتكەنىن العا تارتتى.
– 1990 جىلعا دەيىن-اق عالىمدار جەر شارىندا كليماتتىق وزگەرىستەر بايقالىپ جاتقانىن مالىمدەدى. سودان ون جىلدا عىلىمي زەرتتەۋ جۇمىستارىن جۇرگىزىپ, جاھاندىق كليماتتىق وزگەرىستەردىڭ شىن مانىندە بولىپ جاتقانىن راستادى. وسىدان كەيىن ادامزات كليماتتىق وزگەرىستەردى حالىقارالىق دەڭگەيدە تالقىلاي باستادى. بيىل كليماتتىق وزگەرىستەرگە قاتىستى COP-30 حالىقارالىق كونفەرەنتسياسى وتكەلى وتىر. وسى ءىس-شارا ارقىلى اتالعان تاقىرىپ حالىقارالىق دەڭگەيدە تالقىلانىپ كەلەدى. ءبىز وسى تاقىرىپتى تەك ايتۋمەن شەكتەلمەۋىمىز كەرەك. مەملەكەت باسشىسىنىڭ تاپسىرماسىمەن ءىرى حالىقارالىق ءىس-شارالارعا ەل اتىنان تالاي قاتىستىم. ەندى سوزدەن ىسكە كوشەتىن كەز كەلدى. جاستار وسىنى تۇسىنسە ەكەن دەيمىن, – دەدى ق.بايعارين.
كونفەرەنتسيا قورىتىندىسىندا ەل جاستارىنىڭ اتىنان جاستاردىڭ كليمات جونىندە ۇلتتىق مالىمدەمەسى ازىرلەنەدى. ول قۇجات COP-30 كونفەرەنتسياسىندا جاريالانادى.
