سۋرەت «ەگەمەن قازاقستاننىڭ» ارحيۆىنەن الىندى
سوندىقتان «كەلەشەك مەكتەپتەرى» ۇلتتىق جوباسى ءبىلىم بەرەتىن ورىن عانا ەمەس, ول ءار بالاعا ءوزىن-ءوزى تابۋعا مۇمكىندىك بەرەتىن جاڭا كەڭىستىك. مەملەكەت باسشىسى قاسىم-جومارت توقاەۆ: «ادىلەتتى قازاقستاندى قۇرۋ ءۇشىن ءبىز ەڭ الدىمەن ساپالى ءبىلىم بەرۋ جۇيەسىن قالىپتاستىرۋىمىز كەرەك» دەپ ايتقان ەدى. بۇل «كەلەشەك مەكتەپتەرى» باعىتىن ايقىندايتىن باعدارشام ىسپەتتى.
اتالعان ۇلتتىق جوبانىڭ ماقساتى – ەلىمىزدىڭ بارلىق ايماعىندا كەز كەلگەن بالاعا قولجەتىمدى جاڭا فورماتتاعى ءبىلىم بەرۋ ۇيىمدارىن قۇرۋ. دالىرەك ايتقاندا, ۇلتتىق جوبا بالالاردىڭ تۇرعىلىقتى جەرىنە قاراماستان, زامان تالابىنا ساي جاعدايدا ساپالى ءبىلىم الۋ مۇمكىندىگىن قامتاماسىز ەتۋگە باعىتتالعان. جوبانىڭ باستى ارتىقشىلىعى – وندا وقۋشىلارعا قولايلى, ەرگونوميكالىق ءبىلىم بەرۋ كەڭىستىگى جاسالىپ وتىر. بۇل مەكتەپتەردىڭ كولەمى تيپتىك جوبالارعا قاراعاندا 15-20%-عا ۇلكەن, ال تەحنيكالىق جاراقتانۋى 4 ەسەگە ارتىق. وسىنىڭ ءبارى ۇستازداردىڭ جۇمىسىن جەڭىلدەتىپ, وقۋشىلاردىڭ ءبىلىم ساپاسىن كوتەرەدى.
پرەزيدەنت باستاماسىمەن قولعا الىنعان «كەلەشەك مەكتەپتەرى» ۇلتتىق جوباسى اياسىندا جەزقازعان قالاسىنداعى قابانباي باتىر ەلدى مەكەنىندە ەكىقاباتتى 300 ورىندىق ءبىلىم ورداسى بوي كوتەردى. قازىرگى تاڭدا ءبىلىم بەرۋ نىسانى وقۋشىلارعا قولايلى زاماناۋي ۇلگىدەگى قۇرال-جابدىقتارمەن جابدىقتالدى. جەتكىنشەكتەردىڭ جان-جاقتى شىعارماشىلىق دامۋىنا تولىق جاعداي جاسالعان. جاڭا زاماناۋي ءبىلىم وشاعىندا قاۋىپسىزدىك جۇيەلەرى كۇشەيتىلگەن. ماسەلەن, بەينەباقىلاۋ ارقىلى مەكتەپكە كىرىپ-شىققاندار قاداعالاۋ جۇيەلەرىمەن قامتىلعان. سونداي-اق ءار سىنىپ كابينەتىنىڭ ءىشى كەڭ, تەرەزەسى ۇلكەن. ەرەكشە بالالارعا ارنالعان جەدەلساتى جۇمىس ىستەيدى. وقۋشىلارعا سپورتپەن اينالىسۋعا بارلىق جاعداي بار. قىسقاسى, بۇل جوبا ءار بالانىڭ تولىققاندى دامۋىنا مۇمكىندىك بەرەدى.
بەينەلەپ ايتقاندا, ءبىلىم – ۇلتتىڭ ىرگەتاسى بولسا, ال «كەلەشەك مەكتەپتەرى» سول ىرگەتاستى نىعايتاتىن باستى تىرەك. دالىرەگىندە, كەلەشەك مەكتەپتەرى – بولاشاققا باستايتىن التىن كوپىر. بۇل – ۇلتتىڭ ينتەللەكتۋالدى الەۋەتىن كوتەرىپ, ەلدىڭ دامۋ قارقىنىن جەدەلدەتەتىن باستى كۇش. ءار بالاعا ساپالى ءبىلىم بەرىپ, تەڭ مۇمكىندىك جاساعان ەلدىڭ بولاشاعى قاشاندا جارقىن بولماق.
مەدەت سەيتبەك,
جەزقازعان قالاسىنداعى №12 جالپى ءبىلىم بەرەتىن مەكتەپ ديرەكتورى
ۇلىتاۋ وبلىسى
