بقو بويىنشا ساۋدا جانە تۇتىنۋشىلار قۇقىعىن قورعاۋ دەپارتامەنتىنەن ءمالىم ەتكەنىندەي, تۇرعىن وتكەن جىلى 30 مامىردا قالاداعى اۆتوسالونداردىڭ بىرىنەن 17 ملن 840 مىڭ تەڭگە تۇراتىن اۆتوكولىك ساتىپ العان.
تالاپ ارىزدا جازىلعانىنداي, نەبارى 15 مىڭنان استام شاقىرىم جول جۇرگەننەن كەيىن اۆتوموبيل سىنىپ قالىپ, ساتۋشىعا قايتارىلعان.
اۆتوكولىكتىڭ سىنۋ سەبەپتەرىن انىقتاۋ سوزىلىپ كەتكەندىكتەن, تۇتىنۋشى جاۋاپكەردەن تاۋاردىڭ تەحنيكالىق جاي-كۇيى تۋرالى دەرەكتەر بەرۋدى سۇراعان.
ساتۋشى ءوز جاۋابىندا اۆتوكولىكتىڭ تەحنيكالىق جاي-كۇيى جارامسىز ەكەندىگىن مويىنداعان. بۇدان كەيىن تۇتىنۋشى تاۋاردى الماستىرۋدى نەمەسە ساتۋ-ساتىپ الۋ كەلىسىم-شارتىن بۇزىپ, كولىك قۇنىن تولىق قايتارۋدى تالاپ ەتكەن. الايدا بۇل تالاپ قاناعاتتاندىرىلماعاننان كەيىن تۇرعىن اۆتوكولىك قۇنىنا قوسا 7 ملن 784 مىڭ تەڭگە تۇراقسىزدىق ايىبىن, 3,6 ملن تەڭگە زالالدى جانە سوت شىعىنىن ءوندىرۋ جونىندە سوتقا جۇگىنۋگە ءماجبۇر بولعان.
سوت تالقىسى بارىسىندا سوت-ساراپتامالىق زەرتتەۋ نەگىزىندە اۆتوكولىكتە اقاۋلىقتار بار ەكەنى انىقتالدى.
- سوت شەشىمىمەن تالاپكەردىڭ پايداسىنا 17 ملن 840 مىڭ تەڭگە كولەمىندە اۆتوكولىك قۇنى, 1 ملن 784 مىڭ تەڭگە تۇراقسىزدىق ايىبى, سوت ساراپتاماسىن جۇرگىزۋگە كەتكەن 112, 631 مىڭ تەڭگە, 177, 960 مىڭ سوت شىعىنى, 500 مىڭ تەڭگە وكىلدىڭ قىزمەتى جانە 196,240 مىڭ تەڭگە مەملەكەتتىك باج سالىعى ءوندىرىلدى.
جاۋاپكەر مۇنىمەن كەلىسپەي, اپەللياتسيالىق شاعىم ءتۇسىردى. اپەللياتسيالىق ساتىداعى سوت القاسى № 2 ورال قالالىق سوتىنىڭ شەشىمىن وزگەرىسسىز قالدىردى, - دەپ حابارلادى ۆەدومستۆودان.
