بۇل كۇن قازاقستاننىڭ بوچچا قۇراماسىنا ءتۇرلى دارەجەدەگى بەس جۇلدە اكەلدى. ۇلتتىق قۇراما سپورتشىلارى تاماشا ويىن ورنەگىن كورسەتىپ, ەكى التىن, ەكى كۇمىس جانە ءبىر قولا مەدال يەلەندى.
التىن مەدال يەگەرلەرى:
يتيانا شينگيسحانوۆا (BC2 ساناتى) فينالدا وڭتۇستىك كورەيا سپورتشىسىن 8:3 ەسەبىمەن جەڭىپ, Astana 2025 World Boccia Challenger چەمپيونى اتاندى;
بالجان بولەكپاەۆا (BC1 ساناتى) شەشۋشى ويىندا يراننان كەلگەن قارسىلاسىن ۇتىپ, التىن مەدالعا قول جەتكىزدى.
كۇمىس مەدال يەگەرلەرى:
ازامات ايازباەۆ (BC4 ساناتى) سەنىمدى ويىنىمەن فينالعا دەيىن جەتىپ, شەشۋشى سىندا يراندىق سپورتشىعا جول بەرىپ, كۇمىس جۇلدەگەر اتاندى;
ەرحات المات (BC1 ساناتى) جارىس بويى شەبەرلىگىمەن تانىلىپ, فينالدا وڭتۇستىك كورەيا سپورتشىسىمەن كەزدەستى, ناتيجەسىندە كۇمىس مەدال ەنشىلەدى.
قولا مەال يەگەرى:
ەلميرا مۋسراليەۆا (BC4 ساناتى) جارتىلاي فينالدا يراندىق سپورتشىعا جول بەرگەنىمەن, ءۇشىنشى ورىن ءۇشىن ماتچتا ءباا سپورتشىسىن 9:0 ەسەبىمەن ويسىراتا ۇتىپ, قولا مەدالعا يە بولدى.
25 تامىزدا تۋرنيردە ەرلەر مەن ايەلدەر اراسىندا BC1, BC2, BC3 جانە BC4 جەكەلەي ساناتتارىندا فينالدىق ويىندار ءوتتى. جارىس 26-27 تامىز كۇندەرى جۇپتىق جانە كوماندالىق كەزدەسۋلەرمەن جالعاسادى.
Astana 2025 World Boccia Challenger – قازاقستاندا العاش رەت BISFed قولداۋى اياسىندا ۇيىمداستىرىلىپ وتىرعان حالىقارالىق چەللەندجەر. تۋرنير 2028 جىلى لوس-اندجەلەستە وتەتىن پاراليمپيادا ويىندارىنا ىرىكتەۋ كەزەڭىنىڭ ءبىر بولىگى بولىپ سانالادى.
Astana 2025 World Boccia Challenger ءتۋرنيرىنىڭ ۇيىمداستىرۋشىسى – قازاقستان بوچچا فەدەراتسياسى. جوبا قر تۋريزم جانە سپورت مينيسترلىگىنىڭ, Sport Qory قورىنىڭ, «سامۇرىق-قازىنا» اق-نىڭ, Eurasian Resources Group (ERG) كومپانياسىنىڭ جانە وزگە دە سەرىكتەستەردىڭ قولداۋىمەن جۇزەگە اسۋدا.
