جاڭا تىرەۋ جوعارى شەشىمدى كامەرامەن جانە اۆتونومدى جارىق كوزىمەن جابدىقتالعان. بۇل حيرۋرگتەرگە پاتسيەنتتىڭ ىشكى ورگاندارىن ءىرى تىلىكتەرسىز كورۋگە مۇمكىندىك بەرەدى.
– لاپاروسكوپيالىق جابدىق ارقىلى 3D رەجيمىندە وپەراتسيالار جاسالادى. بۇل اسىرەسە كولەمى ۇلكەن ەمەس قۋىستاردا, مىسالى, كىشى جامباس قۋىسىندا كۇردەلى حيرۋرگيالىق ارالاسۋلاردى نەمەسە قانداي دا ءبىر كۇردەلى رەكونسترۋكتيۆتىك وپەراتسيالاردى ورىنداۋدى ايتارلىقتاي جەڭىلدەتەدى, – دەيدى حيرۋرگيالىق ورتالىقتىڭ باسشىسى بوريس تسحاي.
وبلىستىق كلينيكالىق اۋرۋحانادا قازىردىڭ وزىندە لاپاروسكوپيالىق وتا جاساۋعا ارنالعان جابدىقتار بار. الايدا ونىڭ تەحنيكالىق مۇمكiندiكتەرi شەكتەۋلi. وسى ۋاقىتقا دەيىن بۇل جابدىق ەسكىرگەن. ەندى, مىنە جاڭا تىرەك ىسكە قوسىلدى.
«وندا جيىرماعا جۋىق وپەراتسيا جاسالدى. راسىمدەر ءمامس شەڭبەرىندە باعىتتار بويىنشا تەگىن جۇرگىزىلەدى. بىزگە جاڭا جابدىقتارمەن جوسپارلى وپەراتسياعا ءبىزدىڭ جانە باسقا وبلىستاردان كەلگەن پاتسيەنتتەر كەلە الادى», دەيدى وبلىستىق كلينيكالىق اۋرۋحانانىڭ ءباسپاسوز قىزمەتى.
