فوتو: Instagram/lim_0n
ءانشى الەۋمەتتىك جەلىدەگى پاراقشاسىندا ءادىل قازىلار القاسىنىڭ توراعاسى يگور كرۋتويدىڭ بايقاۋ قورىتىندىسىن جاريالاعان ءساتىنىڭ ۆيدەوسىن جاريالادى.
«2025 جىلعى قازانداعى «نوۆايا ۆولنادا» Alex Lim جەڭىسكە جەتتى», دەپ حابارلادى كرۋتوي. تاعى ءبىر قازاقستاندىق ءانشى Yernazar 3-ورىنعا يە بولدى.
Alex Lim بالقاش قالاسىندا دۇنيەگە كەلگەن, كوپتەگەن ۆوكالدىق بايقاۋلار مەن جوبالاردىڭ قاتىسۋشىسى. ول تۆەر قالاسىندا جوعارى ءبىلىم العانىمەن, ارنايى مۋزىكالىق ءبىلىمى جوق. بۇل تۋرالى بايقاۋدىڭ رەسمي سايتىندا جازىلعان.
33 جاستاعى قازاقستاندىق «نوۆايا ۆولنا» تاريحىندا جەڭىسكە جەتكەن ەلىمىزدىڭ العاشقى وكىلى اتاندى.
21 تامىزدا باستالعان بايقاۋ قازانداعى New Wave Hall كونتسەرت زالىندا ءوتتى. وعان ازەربايجان, ارمەنيا, بەلارۋس, گرۋزيا, قازاقستان جانە رەسەيدەن كەلگەن 13 فيناليست قاتىستى.
