قر تسم جانىنداعى قۇمار ويىندار مەن لوتەرەيا قىزمەتىن رەتتەۋ كوميتەتىنە ازامات س.-دان جوعارىدا كورسەتىلگەن بلوگەرلەر ۇيىمداستىرعان باعالى سىيلىقتاردى ۇتىسقا سالۋدىڭ لوتەرەيا قىزمەتى تۋرالى زاڭناما تالاپتارىنا سايكەستىگىن تەكسەرۋ جونىندە ءوتىنىش كەلىپ ءتۇستى.
— قازىرگى ۋاقىتتا ازامات جانابىلوۆقا اقبتك-ءنىڭ 743-بابىنىڭ 1-بولىگىنە سايكەس تۇسىنىكتەمە بەرۋ قاجەتتىلىگى تۋرالى حابارلاما جولداندى, ونىڭ ناتيجەلەرى بويىنشا اكىمشىلىك ءىس قوزعاۋ ماسەلەسى قارالاتىن بولادى.
تۇسىنىكتەمە بولماعان جاعدايدا, كوميتەت اقبتك-ءنىڭ 445-1-بابىنىڭ 6-بولىگى بويىنشا اكىمشىلىك قۇقىقبۇزۋشىلىق تۋرالى ءىس قوزعايدى (جەكە تۇلعالارعا — ءجۇز, شاعىن كاسىپكەرلىك سۋبەكتىلەرىنە نەمەسە كوممەرتسيالىق ەمەس ۇيىمدارعا — ءۇش ءجۇز, ورتا كاسىپكەرلىك سۋبەكتىلەرىنە — بەس ءجۇز, ءىرى كاسىپكەرلىك سۋبەكتىلەرىنە — ءبىر مىڭ ايلىق ەسەپتىك كورسەتكىش مولشەرىندە ايىپپۇل سالىنادى). ازامات كەلمەگەن جاعدايدا ءىس سىرتتاي قارالادى, — دەلىنگەن مينيسترلىك حابارلاماسىندا.
ەسكە سالامىز, قازاقستان رەسپۋبليكاسىنىڭ «لوتەرەيالار جانە لوتەرەيا قىزمەتى تۋرالى» زاڭىنىڭ 5-بابىنىڭ 4 جانە 5-تارماقتارىنا سايكەس لوتەرەيا وپەراتورى نەمەسە لوتەرەيا تاراتۋشىسى (اگەنتى) بولىپ تابىلمايتىن تۇلعالاردىڭ لوتەرەيا وتكىزۋىنە جانە لوتەرەيا بيلەتتەرىن, ەلەكتروندىق لوتەرەيا بيلەتتەرىن تاراتۋلارىنا (ساتۋلارىنا) تىيىم سالىنادى.
ازاماتتاردى الەۋمەتتىك جەلىلەردە رەسمي لوتەرەيا ۇيىمداستىرۋشىلارى بولىپ تابىلمايتىن تۇلعالار وتكىزەتىن كۇماندى ۇتىس ويىندارىنا, «گيۆتەرگە» جانە وزگە دە ىس-شارالارعا قاتىسپاي, قىراعىلىق تانىتۋعا شاقىرامىز. بۇل قارجىلىق شىعىنعا ۇشىراۋدان جانە الاياقتىقتىڭ قۇربانى بولۋدان ساقتايدى.
