باتىس قازاقستان وبلىستىق پوليتسيا دەپارتامەنتىنىڭ كريمينالدىق پوليتسيا باسقارماسى قىزمەتكەرلەرى بوكەي وردا جانە تاسقالا اۋداندارىنىڭ پوليتسيا بولىمدەرىمەن بىرلەسىپ جۇرگىزگەن جەدەل-ىزدەستىرۋ ءىس-شاراسى ناتيجەسىندە مال ۇرلىعىمەن اينالىسقان ءتورت ادامدى تۇتقىندادى.
بۇل ادامدار وتكەن جىلعى قاراشا ايىنان بيىلعى ماۋسىم ايىنا دەيىن بوكەيوردا اۋدانى اۋماعىندا ەركىن جايىلىمدا جۇرگەن ءىرى قارا مالدارىن ۇرلاۋمەن اينالىسقانى انىقتالىپ وتىر. بارلىعى 49 باس ءىرى قارا مالى ۇرلانعان. مال يەلەرىنە كەلتىرىلگەن جالپى شىعىن شامامەن 20 ملن تەڭگەنى قۇرايدى.
«وسى وقيعا بويىنشا قازىر قىلمىستىق ءىس قوزعالدى. كۇدىكتىلەردىڭ ەكەۋى ۋاقىتشا ۇستاۋ يزولياتورىنا قامالدى. سونىمەن قاتار ولاردىڭ مال ۇرلىعى بويىنشا تاعى ءۇش قىلمىسقا قاتىسى بار ەكەنى انىقتالدى. قازىرگى ۋاقىتتا ولاردىڭ وزگە دە وسىعان ۇقساس قىلمىستارعا قاتىسى بار-جوعى تەكسەرىلىپ جاتىر», دەلىنگەن بقو پوليتسيا دەپارتامەنتىنىڭ ءباسپاسوز قىزمەتى تاراتقان حابارلامادا.
باتىس قازاقستان وبلىسى
