سونىمەن مەرەكە اياسىندا مۇگەدەكتىگى بار 8 323 بالاعا 5 اەك (19660 تەڭگە) مولشەرىندە ءبىر رەتتىك الەۋمەتتىك كومەك تولەنەدى. ال اتا-اناسىنىڭ قامقورلىعىنسىز قالعان بالالارعا – 20 اەك (786 40 تەڭگە) مولشەرىندە ءبىر رەتتىك الەۋمەتتىك كومەك قاراستىرىلادى.
تولەمدى الۋ ءۇشىن ەشقايدا ءوتىنىش بەرۋدىڭ قاجەتى جوق. قاراجات بازا ارقىلى مۇگەدەكتىگى بار بالالاردىڭ انالارىنىڭ الەۋمەتتىك ەسەپشوتتارىنا اۆتوماتتى تۇردە اۋدارىلادى. ال اتا-اناسىنىڭ قامقورلىعىنسىز قالعان بالالارعا ارنالعان تولەمدەر ولاردى زاڭدى قامقورلىعىنا العان ازاماتتاردىڭ ەسەپشوتتارىنا تۇسەدى.
وسى تۇستا ماماندار شىمكەنت قالاسىنا قونىس اۋدارعان نەمەسە ۋاقىتشا تىركەۋىن باسقا قالاعا نە وڭىرگە اۋىستىرعان تۇرعىندار ەگەر مەملەكەتتىك زەينەتاقى تولەمدەرى بازاسىنداعى تىركەۋى قالا اۋماعىندا بولماسا, جەرگىلىكتى بيۋدجەتتەن بەرىلەتىن ءبىر رەتتىك تولەمنەن قاعىلاتىنىن ەسكەرتەدى. سوندىقتان قالاعا قونىس اۋدارعان 18 جاسقا دەيىنگى ەرەكشە كۇتىمدەگى بالاسى بار ازاماتتار مەملەكەتتىك زەينەتاقى تولەمدەرى شىمكەنتتە تىركەلگەنىن تەكسەرىپ الۋ قاجەت.
شىمكەنت
