سۋرەت: 4kids.az
«Qonaev Cup» ءتۋرنيرى 2021 جىلدان بەرى تۇراقتى وتكىزىلىپ كەلەدى. تۋرنير «Masters», «Challengers» جانە «Open» بولىپ ۇشكە ءبولىندى. وندا بارلىعى 30-دان استام جۇلدەلى ورىن ساراپقا سالىندى.
«Masters» ءتۋرنيرىنىڭ (قازاقستان كۋبوگىنىڭ 3-كەزەڭى) جەڭىمپازى ءۇندىستان وكىلى اديتيا ميتتال اتاندى. ەلىمىزدىڭ شاحماتشىلارى اراسىنداعى ەڭ ۇزدىك ناتيجە 22 جاستاعى رامازان جالماحانوۆقا تيەسىلى, ول – 5 ۇپاي جيناپ, 17-ورىنعا يە بولدى. ايەلدەر اراسىنداعى ەڭ ۇزدىك ناتيجە ءۇشىن تاعايىندالعان جۇلدەنى 19 جاستاعى ءامينا قايىربەكوۆا يەلەندى, ول 4 ۇپايمەن جالپى ەسەپتە 45-ورىنعا تۇراقتادى.
ال «Challengers» بويىنشا جۇلدەنى ءابىلمانسۇر ابدىلقايىر, كونستانتين كورنيەنكو, باقتيار اسقاروۆ, نۇرعازى جەەنبەكوۆ, ەۆگەني پاك, اقىلجان مەيىرحان ۇلى سىندى شاحماتشىلار ءوزارا ءبولىستى. سونىمەن قاتار «Open» جۇلدەگەرلەرىنىڭ كوشباسىن ازامات نۇردينوۆ باستاسا, ودان كەيىنگى ورىنداردى تورەحان مولباي, ايبەك تىلەكقابىل, يان زيمو, دىنمۇحامەد مەلس ەنشىلەدى.
ايتا كەتەيىك, «Qonaev Cup – 2025» حالىقارالىق شاحمات ءتۋرنيرى «Almaty Region Open» فەستيۆالى اياسىندا ءوتتى.
الماتى وبلىسى
