بۇگىندە پوليگون قۇرىلىسىنىڭ 90 پايىزى اياقتالعان, بيىل قىركۇيەك ايىندا پايدالانۋعا بەرىلەدى دەپ جوسپارلانىپ وتىر. پارتيانىڭ سايلاۋالدى باعدارلاماسى اياسىندا سالىنىپ جاتقان جاڭا نىسان قاراعاندى وبلىسىنداعى ەكولوگيا ماسەلەسىن شەشۋگە باعىتتالعان.
اباي قالاسىنداعى پوليگون اكىمشىلىك عيماراتى, مەديتسينالىق پۋنكتى جانە قىزمەتكەرلەرگە قاجەت بارلىق ينفراقۇرىلىمى بار تولىققاندى كەشەن رەتىندە سالىنىپ جاتىر. مۇندا قۋاتتىلىعى جىلىنا 15 مىڭ توننا بولاتىن قالدىقتاردى سۇرىپتاۋ جەلىسى جۇمىس ىستەيدى. پلاستيكتى قايتا وڭدەۋگە ارنالعان پرەسس-ستانوكتار مەن جابدىقتار قاراستىرىلۋدا. شيكىزاتتى ۋاقىتشا ساقتاۋعا ارنالعان الاڭدار مەن قالدىقتاردى كومۋگە نەگىزدەلگەن ترانشەيالار بار, سونداي-اق ءنومىر بەكىتۋ جۇيەسى بار ەلەكتروندى اۆتوموبيل تارازىلارى ورناتىلعان.
نىساندى قالدىقتاردى جيناۋ, سۇرىپتاۋ جانە قايتا وڭدەۋ جۇمىسىمەن اينالىساتىن ارنايى كاسىپورىن پايدالانادى. اباي اۋدانىندا جاڭا جۇمىس ورىندارى اشىلادى. تۇرعىنداردىڭ ەكولوگيالىق قاۋىپسىزدىگىنە كەپىلدىك بەرىلىپ, قورشاعان ورتانىڭ جاي-كۇيىنە زاماناۋي باقىلاۋ جاسالادى.
نيكيتا شاتالوۆتىڭ ايتۋىنشا, پوليگون قۇرىلىسى – مەملەكەت باسشىسى قاسىم-جومارت توقاەۆتىڭ جاڭا ەكولوگيالىق مادەنيەتتى قالىپتاستىرۋ جانە زاماناۋي وڭدەۋ تەحنولوگيالارىن ەنگىزۋ بويىنشا بەرگەن تاپسىرمالارىن جۇزەگە اسىرۋدىڭ جارقىن دالەلى.
«قاتتى تۇرمىستىق قالدىقتارعا ارنالعان زاماناۋي پوليگون سالۋ ەكولوگيالىق جاعدايدى ەداۋىر جاقسارتۋعا, وزىق وڭدەۋ تەحنولوگيالارىن ەنگىزۋگە جانە قوسىمشا جۇمىس ورىندارىن اشۋعا مۇمكىندىك بەرەدى. بۇل – ءوڭىردى دامىتۋ جانە تۇرعىنداردىڭ تۇرمىسىن جاقسارتۋ ىسىنە قوسىلعان ۇلكەن ۇلەس. وسىنداي جوبالار ءبىز ءۇشىن اسا ماڭىزدى. بۇل – سايلاۋشىلارعا بەرگەن ۋادەمىز ورىندالىپ جاتقانىنىڭ ناقتى كورىنىسى», دەدى دەپۋتات.
بۇدان باسقا, «AMANAT» پارتياسىنىڭ سايلاۋالدى باعدارلاماسى اياسىندا قاراعاندىدا قاتتى تۇرمىستىق قالدىقتاردى ەنەرگەتيكالىق كادەگە جاراتاتىن زاۋىت قۇرىلىسى كوزدەلگەن. ال وبلىس اۋماعىندا 2027 جىلعا دەيىن سۇرىپتاۋ جەلىسى بار تاعى 6 قاتتى تۇرمىستىق قالدىقتار پوليگونىن سالۋ جوسپارلانىپ وتىر.
