ۇلتىمىزدىڭ قۇندى مۇلكى رەتىندە مويىندالعان «توبىل ويشىلى» قوستانايدىڭ ەڭ ەرەكشە جادىگەرلەرىنىڭ بىرىنەن سانالادى.
«توبىل ويشىلى» 1976 جىلى توبىل وزەنىنىڭ بويىنان تابىلدى. عالىمدار كونە ءمۇسىن وسىدان 9 مىڭ جىل بۇرىن جاسالعان دەگەن بولجام ايتادى. انتروپومورفتى ەسكەرتكىشتىڭ تۇپنۇسقاسى ءتۇرلى تۇيىرشىكتى سۇرعىلت-قوڭىر قۇمداقتان قاشالعان. بويى 20 سانتيمەتردەن ءسال عانا اسادى. سالماعى – 4 كگ. جادىگەر 2022 جىلعا دەيىن قوستاناي وبلىستىق تاريحي-ولكەتانۋ مۋزەيىندە ساقتالىپ كەلدى. قازىر استاناداعى ۇلتتىق مۋزەيدە تۇر.
ءمۇسىننىڭ كوشىرمەسىن جاساپ شىعۋ, ورناتۋ جاعىن جەرگىلىكتى «Alpamys Group» قۇرىلىس كومپانياسى قارجىلاندىرعان. نىساننىڭ ماڭايىنا جارىق تارتىلىپ, جان-جاعىنا قوستاناي قالاسىنىڭ تاريحىنان سىر شەرتەتىن تۇندە جاناتىن فوتوكورمە قويىلعان.
قالا اكىمدىگى وكىلدەرىنىڭ ايتۋىنشا, الداعى ۋاقىتتا ءمۇسىن ماڭىندا مادەني-تانىمدىق ءىس-شارالار وتكىزىلەدى.
قوستاناي وبلىسى
