جيىنعا پەداگوگتار, سينگاپۋر, اقش جانە وزگە ەلدەردەن كەلگەن حالىقارالىق ساراپشىلار, وقۋ-اعارتۋ ءمينيسترى عاني بەيسەمباەۆ, عىلىم جانە جوعارى ءبىلىم ءمينيسترى ساياسات نۇربەك, «قازاقستاننىڭ ەڭبەك ەرى», «وتان» وردەنىنىڭ يەگەرى, بەلگىلى ۇستاز, قازاقستاننىڭ ەڭبەك سىڭىرگەن قايراتكەرى اياگۇل ميرازوۆا قاتىستى.
الماتى اكىمى دارحان ساتىبالدى كونفەرەنتسياعا قاتىسۋشىلار مەن پەداگوگتاردى جاڭا وقۋ جىلىمەن قۇتتىقتادى.
«مەملەكەت باسشىسىنىڭ باستاماسىمەن 2025 جىل جۇمىسشى ماماندىقتارى جىلى بولىپ جاريالاندى. وسى باعىتتا اۋقىمدى جۇمىس قولعا الىندى. الماتىدا كوللەدجدەردىڭ ماتەريالدىق-تەحنيكالىق بازاسى 2,6 ملرد تەڭگەگە جاڭارتىلىپ, WorldSkills ستاندارتى بويىنشا 14 قۇزىرەت ورتالىعى اشىلدى, جىل سوڭىنا دەيىن تاعى 4 ورتالىق ىسكە قوسىلادى. سونىمەن بىرگە «كەلەشەك مەكتەپتەرى» ۇلتتىق جوباسى جۇزەگە اسىرىلىپ وتىر: 35 مىڭ ورىنعا ارنالعان 21 جاڭا مەكتەپ سالىنىپ, 15 ءبىلىم بەرۋ مەكەمەسىنە كۇردەلى جوندەۋ جۇرگىزىلىپ جاتىر. بۇگىندە قالا مەكتەپتەرىندە 350 مىڭنان استام وقۋشى وقيدى, ولاردىڭ سانى جىل سايىن ورتا ەسەپپەن 12–14 مىڭعا ارتىپ وتىر», – دەدى قالا اكىمى.
سالتاناتتى بولىمدە ء«بىلىم بەرۋ ءىسىنىڭ قۇرمەتتى قىزمەتكەرى» توسبەلگىلەرى, مينيسترلىك پەن الماتى اكىمدىگىنىڭ العىس حاتتارى تابىس ەتىلدى. سونداي-اق, الماتى اكىمدىگى تاعايىنداعان «ۇزدىك ءبىلىم بەرۋ ۇيىمى – 2025» ارنايى سىيلىعى بەرىلدى. بۇل ماراپات №79 گيمنازياعا بۇيىردى.
كونفەرەنتسيا اياسىندا وتكەن پلەنارلىق وتىرىستا بولاشاقتاعى كاسىبي ءبىلىم بەرۋ جانە جاڭا ەكونوميكاعا قاجەتتى مامان دايارلاۋ, ءبىلىم بەرۋ ۇدەرىسىنە STEM/STEAM تاسىلدەرىن ەنگىزۋ, وقۋشىلاردىڭ قاۋىپسىزدىگى مەن پسيحوەموتسيالىق دەنساۋلىعى, ينكليۋزيۆتى ءبىلىم مەن تولەرانتتىلىقتى دامىتۋ ماسەلەلەرى تالقىلاندى.
ءىس-شارا قازاقستاندىق ەسترادا جۇلدىزدارىنىڭ كونتسەرتىمەن تۇيىندەلدى.
