جەرگىلىكتى بيلىك قوعامدىق كولىك باعىتتارىن وڭتايلاندىرۋ ءىس-شارالارى باستالىپ جاتقانىن حابارلادى. تۇزەتۋلەر تۋرالى تۇپكىلىكتى شەشىم سىناق رەجيمىنىڭ قورىتىندىسى بويىنشا قابىلدانادى.
پاۆلوداردا بارلىعى 30 اۆتوبۋس مارشرۋتى بار. جەرگىلىكتى اتقارۋشى ورگاندار سۇرانىس از بولعاندىقتان, №5 جانە №6 مارشرۋتتاردى جويۋدى ۇيعاردى. تاعى 11 قالالىق مارشرۋتتى وڭتايلاندىرۋ جوسپارلانىپ وتىر.
-تالداۋ كورسەتكەندەي, بۇگىندە بىرقاتار مارشرۋتتار تابىسسىز, ال كەيبىرەۋلەرى ءبىر-ءبىرىن قايتالايدى. وڭتايلاندىرۋ بيۋدجەتتەن سۋبسيديالاۋ كولەمىن ازايتۋ جانە مارشرۋتتىق جەلىنى ناقتى جولاۋشىلار اعىنىنا سايكەس كەلتىرۋ ماقساتىندا جۇرگىزىلەدى. جول ءجۇرۋ ءتاريفى وزگەرمەيدى. ال جىلجىمالى قۇرامدى جاڭارتۋ جالعاسادى, شاعىن سىنىپتى اۆتوبۋستاردىڭ بارلىعىن ورتاشا سىنىپتى اۆتوبۋستارعا اۋىستىرۋ كوزدەلىپ وتىر,-دەدى پاۆلودار قالاسى اكىمىنىڭ ورىنباسارى انۋاربەك امانوۆ.
پاۆلودار وبلىسى
