فوتو: instagram.com/ruslan_berdenov
بۇگىن جابىرلەنۋشىنىڭ ءوزى ونلاين بەينەبايلانىس ارقىلى كۋالىك بەردى. رۋسلان بەردەنوۆ كۋالىك بەرۋ ءساتىن فوتو-ۆيدەوعا تۇسىرۋگە رۇقسات ەتپەگەن.
ءوز سوزىندە بەردەنوۆ جيەمبايمەن ءۇش رەت قانا كەزدەسكەنىن, ونىڭ ەكەۋى جۇمىس بارىسىندا, ءۇشىنشىسى قاستاندىق جاسالعان كۇنى ەكەنىن اتاپ ءوتتى. سونداي-اق, ول ەكى كەزدەسۋدە دە جانجال بولماعانىن ايتىپ, وعان سول ورىندارداعى تەحنيكالىق قۇرالدار ارقىلى كوز جەتكىزۋگە بولاتىنىنا نازار اۋداردى. شىمكەنتتىك شەنەۋنىك پوليگراف ارقىلى دا جاۋاپ بەرۋگە ءازىر ەكەنىن جەتكىزدى.
ايىپتالۋشى ەرنار جيەمباي رۋسلان بەردەنوۆتەن كەشىرىم سۇرادى.
«دۇرىس ىستەدىم دەمەيمىن. كەشىرىم سۇرايمىن. ولتىرەتىن نيەتىم بولعان جوق. تەز ساۋىعىپ كەتۋىڭە تىلەكتەسپىن. الدىڭا ءوزىم بارىپ, كەشىرىم سۇراي الامىن», دەدى ول.
ايتا كەتەيىك, وسى جىلدىڭ 21 - ساۋىرىندە شىمكەنت قالاسى اكىمدىگىنىڭ الدىندا شەنەۋنىككە وق اتىلعان ەدى.
